ਵਿਵੇਕਾ ਬਾਬਾਜੀ

ਵਿਵੇਕਾ ਬਾਬਾਜੀ (27 ਮਈ 1973 - 25 ਜੂਨ 2010) ਇੱਕ ਮੌਰੀਸ਼ੀਅਨ ਮਾਡਲ ਅਤੇ ਅਭਿਨੇਤਰੀ ਸੀ। ਉਸਨੇ ਮਿਸ ਮਾਰੀਸ਼ਸ ਵਰਲਡ 1993 ਅਤੇ ਮਿਸ ਮਾਰੀਸ਼ਸ ਯੂਨੀਵਰਸ 1994 ਦੇ ਖ਼ਿਤਾਬ ਹਾਸਿਲ ਕੀਤੇ ਸਨ।^[2][3] ਉਹ 1990 ਦੇ ਦਹਾਕੇ ਵਿਚ ਕਾਮਸੂਤਰ ਕੰਡੋਮ ਦੇ ^[4] ਅਤੇ 1994 ਦੇ ਅਖੌਤੀ "ਮਨੀਲਾ ਫ਼ਿਲਮ ਫੈਸਟੀਵਲ" ਘੁਟਾਲੇ ਵਿਚ ਸ਼ਾਮਿਲ ਹੋਣ ਲਈ ਸਭ ਤੋਂ ਵੱਧ ਜਾਣੀ ਜਾਂਦੀ ਹੈ।^[5]

ਵਿਵੇਕਾ ਬਾਬਾਜੀ
ਤਸਵੀਰ:Viveka Babajee.jpg
ਜਨਮ	ਵਿਵੇਕਾ ਬਾਬਾਜੀ (1973-05-27)27 ਮਈ 1973 ਪੋਰਟ ਲੂਈ, ਮਾਰੀਸ਼ਸ[1]
ਮੌਤ	25 ਜੂਨ 2010(2010-06-25) (ਉਮਰ 37) ਬਾਂਦਰਾ, ਮੁੰਬਈ, ਭਾਰਤ
ਮੌਤ ਦਾ ਕਾਰਨ	ਪੱਖੇ ਨਾਲ ਲਟਕ ਕੇ ਖੁਦਕੁਸ਼ੀ
ਨਾਗਰਿਕਤਾ	ਮਾਰੀਸ਼ਸ-ਭਾਰਤ
ਮਾਡਲਿੰਗ ਜਾਣਕਾਰੀ
ਕੱਦ	5 ft 9 in (1.75 m)
ਵਾਲਾਂ ਦਾ ਰੰਗ	ਭੂਰਾ
ਅੱਖਾਂ ਦਾ ਰੰਗ	ਕਾਲਾ

ਬਾਬਾਜੀ 25 ਜੂਨ 2010 ਨੂੰ ਮੁੰਬਈ ਦੇ ਬਾਂਦਰਾ ਸਥਿਤ ਆਪਣੇ ਅਪਾਰਟਮੈਂਟ ਵਿੱਚ ਛੱਤ ਦੇ ਪੱਖੇ ਨਾਲ ਲਟਕਦੀ ਮਿਲੀ ਸੀ। ਪੁਲਿਸ ਰਿਪੋਰਟਾਂ ਵਿੱਚ ਕਿਹਾ ਗਿਆ ਹੈ ਕਿ ਉਸਨੇ ਤਣਾਅ ਕਾਰਨ ਆਤਮ ਹੱਤਿਆ ਕੀਤੀ।

ਮੁੱਢਲਾ ਜੀਵਨ

ਚਾਰ ਭੈਣਾਂ ਵਿਚੋਂ ਸਭ ਤੋਂ ਛੋਟਾ, ਬਾਬਾ ਜੀ ਦਾ ਜਨਮ 27 ਮਈ 1973 ਨੂੰ ਪੋਰਟ ਲੂਈ, ਮਾਰੀਸ਼ਸ ਵਿੱਚ ਹੋਇਆ ਸੀ। ਉਸਦੀ ਮਾਂ ਮਹਾਰਾਸ਼ਟਰੀਅਨ ਹੈ ਅਤੇ ਉਸ ਦਾ ਜਨਮ ਹੈਦਰਾਬਾਦ ਵਿੱਚ ਹੋਇਆ ਸੀ। 1990 ਦੇ ਦਹਾਕੇ ਦੇ ਅੱਧ ਵਿਚ ਬਾਬਾ ਜੀ ਭਾਰਤ ਆ ਗਈ।

ਕਰੀਅਰ

ਬਾਜਾ ਜੀ ਨੇ ਕਾਮਸੂਤਰ ਕੰਡੋਮ ਦੇ ਵਿਗਿਆਪਨ ਨਾਲ ਭਾਰਤ ਵਿਚ ਸਫ਼ਲਤਾ ਪ੍ਰਾਪਤ ਕੀਤੀ। ਉਸਨੇ ਦਲੇਰ ਮਹਿੰਦੀ ਦੀ "ਬੂਮ ਬੂਮ", ਹਰਭਜਨ ਮਾਨ ਦੀ ਮੇਰੀ ਬਿੱਲੋ" ਅਤੇ ਐਬੇ ਦੀ "ਫਿਰ ਸੇ" ਲਈ ਸੰਗੀਤ ਵੀਡਿਓ ਵਿਚ ਕੰਮ ਕੀਤਾ ਸੀ। 2009 ਵਿੱਚ ਉਸਦੀ ਕੰਪਨੀ, ਕ੍ਰੀਮ ਇਵੈਂਟਸ,ਨੇ ਆਪਣੇ ਸਾਬਕਾ ਬੁਆਏਫ੍ਰੈਂਡ ਅਤੇ ਕਾਰੋਬਾਰੀ ਭਾਈਵਾਲ, ਕਾਰਤਿਕ ਜੋਬਨਪੁੱਤਰ ਦੀ ਮਦਦ ਨਾਲ ਸਫ਼ਲਤਾ ਪ੍ਰਾਪਤ ਕੀਤੀ। ਬਾਅਦ ਵਿਚ ਉਸਨੇ ਕਰੀਮ ਈਵੈਂਟਾਂ ਨਾਲ ਸਾਰੇ ਸੰਬੰਧ ਤੋੜ ਦਿੱਤੇ ਸਨ।

ਇਕ ਮਾਡਲ ਦੇ ਤੌਰ 'ਤੇ, ਬਾਬਾਜੀ ਨੇ ਚੋਟੀ ਦੇ ਡਿਜ਼ਾਈਨਰਾਂ ਲਈ ਰੈਂਪ 'ਤੇ ਚੱਲੀ, ਜਿਸ ਵਿਚ ਰਿਤੂ ਕੁਮਾਰ, ਰਿਤੂ ਬੇਰੀ, ਅਬੂ ਜਾਨੀ ਅਤੇ ਸੰਦੀਪ ਖੋਸਲਾ, ਰੋਹਿਤ ਬੱਲ, ਸੁਨੀਤ ਵਰਮਾ, ਜੇ ਜੇ ਵਾਲੀਆ, ਤਰੁਣ ਟਹਿਲੀਆਣੀ ਅਤੇ ਹੋਰ ਬਹੁਤ ਸਾਰੇ ਮਾਡਲ ਸ਼ਾਮਿਲ ਸਨ। ਜਨਵਰੀ 2010 ਵਿਚ, ਉਸਨੇ ਆਪਣਾ ਇਵੈਂਟ ਪ੍ਰਬੰਧਨ ਕਾਰੋਬਾਰ ਸ਼ੁਰੂ ਕੀਤਾ ਅਤੇ ਤਾਜ ਕੌਲਾਬਾ ਦੁਆਰਾ ਅਰਜੁਨ ਖੰਨਾ ਸ਼ੋਅ ਵਰਗੇ ਪ੍ਰਾਜੈਕਟ ਪ੍ਰਬੰਧਿਤ ਕੀਤੇ। ਉਸਦੀ ਕੰਪਨੀ ਦਾ ਨਾਮ "ਵਾਇਬਯੋਰ ਏਂਟ" (ਜੀਵਨਸ਼ੈਲੀ ਅਤੇ ਬੁਟੀਕ ਈਵੈਂਟਸ) ਰੱਖਿਆ ਗਿਆ ਸੀ। ਵਾਇਬਯੋਰ ਸੱਤ ਰੰਗਾਂ (ਵਾਇਓਲੇਟ, ਇੰਡੀਗੋ, ਨੀਲਾ, ਹਰਾ, ਪੀਲਾ, ਸੰਤਰੀ ਅਤੇ ਲਾਲ) ਦਾ ਸੰਕਰਮ ਹੈ।

ਵਿਵੇਕਾ ਬਾਬਾਜੀ ਐਫ.ਟੀ.ਵੀ. ਇੰਡੀਆ ਦੀ ਐਂਕਰ ਰਹਿ ਚੁੱਕੀ ਸੀ। ਉਸਨੇ ਆਪਣੀ ਪਹਿਲੀ ਫ਼ਿਲਮ 'ਯੇ ਕੈਸੀ ਮੁਹੱਬਤ ' ਵਿਚ ਕੰਮ ਕੀਤਾ, ਜਿਸ ਵਿਚ ਦੀਕਸ਼ਾ ਅਤੇ ਕ੍ਰਿਸ਼ਨ ਨਾਲ ਸਹਿ-ਅਦਾਕਾਰ ਸਨ, ਜੋ 2002 ਵਿਚ ਰਿਲੀਜ਼ ਹੋਈ ਸੀ। ਹਾਲਾਂਕਿ ਫ਼ਿਲਮ ਨੇ ਬਾਕਸ ਆਫਿਸ 'ਤੇ ਚੰਗੀ ਕਮਾਈ ਨਹੀਂ ਕੀਤੀ ਸੀ।

ਮੌਤ

ਉਹ 25 ਜੂਨ 2010 ਨੂੰ ਮੁੰਬਈ ਦੇ ਬਾਂਦਰਾ ਸਥਿਤ ਆਪਣੇ ਅਪਾਰਟਮੈਂਟ ਵਿਚ ਛੱਤ ਦੇ ਪੱਖੇ ਨਾਲ ਲਟਕਦੀ ਮਿਲੀ ਸੀ। ਪੁਲਿਸ ਰਿਪੋਰਟਾਂ ਵਿਚ ਕਿਹਾ ਗਿਆ ਹੈ ਕਿ ਬਾਬਾਜੀ ਨੇ ਉਦਾਸੀ ਦੇ ਕਾਰਨ ਆਤਮ ਹੱਤਿਆ ਕੀਤੀ ਸੀ। ਉਸਦੀ ਡਾਇਰੀ ਵਿਚ ਆਖਰੀ ਦਾਖਲਾ, ਜੋ ਉਸ ਦੇ ਸਰੀਰ ਦੇ ਨਾਲ ਲੱਗੀ ਸੀ, ਵਿਚ ਕਿਹਾ ਗਿਆ ਸੀ, “ਯੂ ਕਿਲਡ ਮੀ... ਗੌਤਮ ਵੋਹਰਾ।” ^[6] ਅਤੇ ਬਿਨਾਂ ਪੁਸ਼ਟੀ ਹੋਈ ਰਿਪੋਰਟਾਂ ਵਿਚ ਕਿਹਾ ਗਿਆ ਹੈ ਕਿ ਉਹ ਆਪਣੇ ਬੁਆਏਫਰੈਂਡ ਗੌਤਮ ਵੋਹਰਾ ਤੋਂ ਵੱਖ ਹੋਣ ਤੋਂ ਬਾਅਦ ਉਦਾਸ ਹੋ ਗਈ ਸੀ।^[7] ਹਾਲਾਂਕਿ 2012 ਵਿੱਚ, ਗੌਤਮ ਵੋਹਰਾ ਨੂੰ ਇੱਕ ਕਤਲ ਦੇ ਮਾਮਲੇ ਵਿੱਚ ਗ੍ਰਿਫ਼ਤਾਰ ਕੀਤੇ ਜਾਣ ਤੋਂ ਬਾਅਦ ਪੁਲਿਸ ਦੁਆਰਾ ਕੇਸ ਦੁਬਾਰਾ ਖੋਲ੍ਹਿਆ ਗਿਆ ਸੀ।^[8]

ਇਹ ਵੀ ਵੇਖੋ

• ਫਾਂਸੀ ਨਾਲ ਮਰਨ ਵਾਲੇ ਲੋਕਾਂ ਦੀ ਸੂਚੀ