From Wikipedia, the free encyclopedia
Depresion o depresion mayor ta un trastorno di humor caracterisa pa depresion intenso of falta di gana di biba. Den idioma di tur dia, "depresivo" o "deprimi" ta ser uza pa describi diferente estado di animo, cu ta varia for di un depresion temporario pa uno severo. Sinembargo, no ta tur estado di animo depresivo o di tristesa tu un malesa mental. E nomber di depresion unipolar ta ser uza tambe pa distingui di depresion den trastorno bipolar.
Supkategoria di | depressive disorder, mental depression, disease, mental health |
---|---|
Faseta di | women's health |
Causa | genetics, environmental factor, Q127525993 |
Health specialty | psychiatry |
Symptoms and signs | depressive syndrome |
Possible treatment | Antidepresivo, psychotherapy, transcranial magnetic stimulation, light therapy, ehercicio fisico |
Risk factor | substance abuse, chronic condition, family medical history |
ICD-9-CM | 296.30, 296.20, 296.2, 296.3 |
NCI Thesaurus ID | C34796 |
Inicio di depresion mayor ta un desorden mental caracterisa pa por lo menos dos siman di humor abou, autoestima abou, y perdida di interes of placer den actividadnan normalmente agradabel. E curso di e malesa ta varia masha, for di un episodio temporario cu ta dura varios luna te na un malesa cronico cu episodionan depresivo mayor recurrente.
E diagnostico di malesa depresivo ta basa riba e persona su experencia, e bida diario cu a wordo afecta negativamente, comportacion cu su famia of amigonan ta reporta, y examinacion di estado mental pa un psicologo of psikiatra.
Na 2006 pa 2012, e Centraal Bureau voor de Statistiek di Hulanda, a conclui cu 15% di hende muhe y 10% di hende homber cu origen Antiano Hulandes o Arubiano tabatin sintinan di depresion den e delaster aña. Antiano/Arubianonan tin relativamente mesun tanto sinti di depresion cu un Hulandes nativo, pero e Antiano/Arubianonan ta ricibi hopi menos antidepresivo. E hecho cu nan ta ricibi menos antidepresivo no ta automaticamente nifica cu nan ta sufri menos di depresion, pues e ta posibel cu nan ta busca nan refugio den otro forma di tratamento of un otro motibo lo por ta cu depresion den e grupo aki ta ser menos bon reconoci.[1]
Diagnostic and Statistical Manual of Mental Disorder (DSM) ta un sistema di clasificacion Mericano pa malesa mental, publica y prepara pa American Psychiatric Association (APA). Segun DSM-V un episodio depresivo mester cumpli cu e siguiente criterio:[2]
A. Cinco (of mas) di e siguiente sintomanan tabata presente den e mesun periodo di dos siman y ta diferencia for di e funcion anterior. Por lo menos un di e sigiente e sintomanan mester ta presente; esta (1) un mal humor, of (2) perdida di interes of placer .
B. E sintomanan no ta cumpli cu e criterionan pa un episodio combina, pues no tin niun tiki caracteristica maniaco.
C. E sintomanan ta causa afliccion clinicamente significante o deterioracion den areanan social, ocupacional o otro condicionnan importante.
D. E sintomanan no ta e resultado di efecto fisiologico directo di uzo di droga (por ehempel, droga of medicina) o di un malesa somatico (por ehempel hipotiroidismo)
E. E sintomanan no por ser atribui solamente na tristesa, manera rouw y perdida di un ser keri. Nan ta persisti pa mas cu dos luna y ta ensera funcionamento deteriora, preocupacion cu no tin balor, pensamentonan suicidal, sintomanan psicotico, o retraso psikomotorico.
Ta kere ku desorden depresivo mayor ta causa pa un combinacion di factornan genetico, ambiental, y psicologico, cu mas o menos 40% di e prevalencia ta genetico. Factornan cu ta aumenta riesgo ta inclui un historia familiar di e condicion, cambionan grandi o importante den bida, cierto medicamentonan, problemanan cronico di salu, y desordennan di uzo di substancia.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.