![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/9d/Statuut_van_het_Koninkrijk_der_Nederlanden_1954_Nl-HaNA_2.02.20_13685_04.jpg/640px-Statuut_van_het_Koninkrijk_der_Nederlanden_1954_Nl-HaNA_2.02.20_13685_04.jpg&w=640&q=50)
Statuut pa Reino Hulandes
From Wikipedia, the free encyclopedia
E Statuut pa Reino Hulandes (òf simplemente Statuut) ta regla e relashonnan konstitushonal entre Hulanda, Aruba, Kòrsou i Sint Maarten.
- E artíkulo aki ta skirbí na papiamentu. Lo ta apresiá si por mantené e artíkulo aki na estilo di papiamentu.
Parti di | Lei hulandes ![]() |
---|---|
Nòmber nativo | Statuut voorhet Koninkrijk der Nederlanden ![]() |
Título | Statuut voor het Koninkrijk der Nederlanden ![]() |
Pais | Reino Hulandes ![]() |
Idioma di obra/nomber | Hulandes ![]() |
Full work available at URL | http://www.arubaforeignaffairs.com/afa/readBlob.do?id=704, http://wetten.overheid.nl/BWBR0002154 ![]() |
![Thumb image](http://upload.wikimedia.org/wikipedia/commons/thumb/3/38/Ondertekening_van_het_Statuut_van_het_Koninkrijk_door_koningin_Juliana_in_de_Rid%2C_Bestanddeelnr_015-0005.jpg/640px-Ondertekening_van_het_Statuut_van_het_Koninkrijk_door_koningin_Juliana_in_de_Rid%2C_Bestanddeelnr_015-0005.jpg)
E Statuut a keda ehekutá dia 15 di desèmber 1954, ora Reina Juliana a firma e akta di konfirmashon, dunando e paisnan di Reino un posishon igual. E ta indiká ku kada pais ta atende su asuntunan interno independientemente. Huntu e paisnan ta trata e asuntunan di reino. E Statuut ta duna ademas e reglanan pa kooperashon mutuo, asistensia, konsulta i pa e konstelashon estatal di e paisnan.
Dia 29 di desèmber 1954 proklamashon di e lei di Statuut a tuma lugá dor di gobernador Struyken den un sesion seremonial di Parlamento di Antias Hulandes. Na e okashon aki gobièrnu antiano bou di Efraïn Jonckheer a deklará e dia komo un dia di fiesta ofisial i a otorgá un pordon parsial na tur prezu na Antias Hulandes, loke a redusí nan kastigo ku 1/5 parti te un maksimo di seis luna.[1]
Kambio di e Statuut ta solamente posibel si tur pais ta aprobá esaki. E konstitushon di Hulanda ("Grondwet") i e konstitushon di Aruba, Kòrsou i Sint Maarten ("Staatsregeling") ta supordiná na e Statuut.