Calypso

Calypso of Caiso^[1] ta un genero musical caribense cu a origina na Trinidad y Tobago den comienso di e prome mita di siglo 19 y cu pa meymey di siglo 20 a plama na resto di e islanan den region di Caribe, incluso Caribe Hulandes y tambe na Venezuela. Su ritmo tin laso cu e caiso di West Africa y cu e kolonistanan franses den siglo 18 cu a trece e tradicion di carnaval for di e islanan frances. E baile ta den ritmo di dos cuart y ta caracterisa pa un figura di acompañamento estricto, contra cua ta pone un sincope den e melodia den forma di un di dos medida cu ta acentua adelanta.^[2] Calypso a evolua como un forma unico di musica durante temporada di Carnaval.

Lord Invader, Patrick MacDonald y Wilmoth Houdini den un club nocturno na New York (ca. 1938)

 E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.

kalipso

Supkategoria di	music of the Caribbean
Fecha di fundashon òf kreashon	19. century
Faseta di	music of Trinidad and Tobago
Nòmber nativo	Calypso
Pais di orígen	Trinidad i Tobago
Praktiká pa	calypsonian, calypso musician

E palabra calypso ta referi tanto na un ritmo caracteristico como un cantica cu letra. Musicalmente e ta un tipo di balada unda e letra ta trata temanan local di tur dia den un rima, tin biaha como forma di protesta.

E calypso a wordo popularisa mundialmente dor di Harry Belafonte y su hit clasico Banana Boat Song (Day O). For di calypso a sali multiple subgenero, manera soca (of soul-calypso) y ska.

Principal cantante trinitario

• Attila the Hun
• Wilmoth Houdini
• Lord Melody
• Lord Invader
• Lord Kitchener
• Mighty Sparrow
• Mighty Spoiler
• Mighty Duke
• Calypso Rose
• Singing Sandra
• Black Stalin
• Chalkdust

Caribe Hulandes

Calypso a yega e seis isla di Caribe Hulandes cu e migrantenan for di Caribe anglofonico; specialmente e refinerianan Shell (Corsou) y Lago (Aruba), cu a lanta den añanan 1920, a atrae un gran cantidad di trahado migrante for di region. Den transcurso di tempo el a bira un genero popular integrando den e celebracion local di Carnaval, sinembargo desde 1971 Corsou a scoge pa remplasa e calypso (na Ingles) pa e tumba carnavalesco (na Papiamento).

Steelband den parada na San Nicolas (1957)

Cuna di calypso na Aruba ta San Nicolas, luga unda mayoria di e migrantenan tabata biba.^[3] E calypso ta e musica di steelband mas importante, pero tambe e ta wordo trece cu instrumentonan convencional, specialmente na unda e steelband no ta nativo.^[2] Na Aruba en particular e ta wordo toca pa e asina yama brass bands. Desde 1964 ta organisa competencia di calypso (na 2013 a cambia nomber pa caiso) durante temporada di Carnaval sacando e monarca di caiso di Aruba; e composicionnan Arubiano ta uni elementonan original di e genero cu influensianan cultural local. Algun cantante conoci ta Lord Cobashi, King Paul, Lord Boxoe, Young Quicksilver, Long Roy, Lord Cachete y Mighty Talent.^[4]