Tumba

Tumba ta un estilo di músika i baile rítmiko, ku ta forma parti esensial di e herensia kultural di Aruba, Boneiru i Kòrsou. E ta konsiderá generalmente komo e forma musikal mas original i outéntiko di e islanan ABC, ounke su orígen ta klaramente afrikano.^[1]

 E artíkulo aki ta skirbí na ortografia di papiamentu. Lo ta apresiá si por mantené e artíkulo aki na estilo di papiamentu.

Tumba

Supkategoria di	músika folklóriko karibense

Origen i nòmber

E palabra tumba ta derivá di e kultura Bantu for di Kongo, na Afrika, i ta relashoná ku e palabra “tambòr”. Tantu tumba komo tambú — otro estilo afrokaribeño — tin un orígen komún, i tur dos ta skirbí den maat di 2/4. Segun Kramer (2015), e nòmber tumba i tambú ambos ta referí na e instrumento di perkushon (tambor) ku tabata esensial den nan estilo musikal i koreografia original.^[2]

Desaroyo históriko

Originalmente, hopi tumba tabata komposishon instrumental. Kompositornan importante di e periodo inisial ta inkluí: Gerry Palm, Rudolf Palm i Janchi Boskaljon na Kòrsou, i Rufo Wever i Padu Lampe na Aruba. Mas resientemente, Anselmus "Boy" Dap ta wòrdu konsiderá komo "Tata di Tumba" di Kòrsou. Otro kompositornan moderno ta entre otro Rignald Recordino (Doble R).^[1]

Karnaval

Awendia, tumba ta e músika prinsipal di Karnaval, prinsipalmente na Kòrsou i Boneiru. Tur aña na tur e tres isla ABC, un festival grandi ta selektá e tumba mas popular entre hopi komposishon nobo pa e e temporada di Karnaval. E tumbanan karnavalesko ta tipikamente mas lihé i bailable ku esnan di epóka anterior.^[2] Festivalnan spesífiko manera festival di tumba (pa adulto i hoben), i títulonan manera Rei(na) di Tumba of Tumbero/Tumberito ta forma parti integral di e selekshon di talento i kanto di tumba.^[3]

Estilo musikal

Tumba ta generalmente den ritmo di 2/4 (dos pulso pa maat) i ta karakterisá pa un ritmo sinkopá ku ta derivá di tradishon afrokaribeño.

Patrón rítmiko típiko di tumba (simplifiká pa perkushon) Maat di 2/4

| 1 e & a | 2 e & a | | B . B S | B . B S |

B = Beat di tambú grandi (bombo) S = Sinku (tambú chikito òf palunan) . = pausa

E ritmonan di tambú grandi ta generalmente riba 1 i 1-e-a, mientras e aksentunan chikito ta bin riba e & of a pa kreá sinkopashon.

E kuèrdènan tipiko di tumba pa armonia ta generalmente toniko – subdominante – dominante (I – IV – V) den tonoralidat di mayó, por ehèmpel:

Na tonalidat di Do Majór (C): I: C IV: F V7: G7

Progreshon komun: | C | F | G7 | C |

Instrumentonan ku ta usa komunmente pa interpreta e estilo musikal ta: tambú grandi (bombo), tambú chikito òf palunan (ritmo), kitara òf kuatro, baho, piano (pa armonía i montuno) i un sekson di trompet, trombon, etc., ku ta akompaña pa bos solo i koro.

Estilo di baile

Tumba ta un di e bailenan folklóriko i rítmiko mas konosí den islanan ABC. E ta kombiná koreografia di orígen afrikano ku kanto i músika. E baile, ku moveshon elegante pero energétiko, ta bai na ritmo di e tambú, pero mas strukturá i adaptá pa escenario i festival.

Diferensia tumba i tambú

Apesar ku tumba komo tambú tin e mesun rais, e dos estilo a evolushoná diferente. Tambú ta un estilo di mas antiguedat ku mas konektá ku e komunidat di e eks-esklabunan. Un diferensia klave ta ku den e baile di tambú, e bailadónan ta baila separá i individualmente, miéntras ku den e tumba, nan ta brasa. Tambú a keda plis spiritual i protesta-den-naturalesa, mientras tumba a bira mas formal i festivo.

Mira tambe

• Festival di Tumba di Aruba
• Festival di Tumba di Kòrsou
• Tumba franses