RED Democratico

RED Democratico (RED) ta un partido politico na Aruba. Di 2017 te 2021 e partido a forma parti di e coalicion di gobierno MEP-POR-RED, cu tabata sostene e gabinete Wever-Croes I. Esaki tabata e prome gabinete den cual RED tabatin participacion.

 E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.

RED Democratico
RED
Personanan
Presidente di  partido	Fejite Zijlstra
Lider di partido	Ricardo Croes
Lider di fraccion	Ricardo Croes
Asiento
Asiento den parlamento	1 / 21 (22 september 2017)
	0 / 21 (25 juni 2021)
Historia
Fundacion	Rudy Lampe 10 di juni 2003
Informacion basico
Activo na	Aruba
Posicion politico	centro-izkierdista
Ideologia politico	Liberalismo
Color	■ blanco
Coalicion	MEP, POR, RED
[Edita Wikidata] · [Manual]

Historia

RED Democratico a ser funda dia 30 di mei 2003 pa lucha pa conserva e relacionnan di Aruba cu Reino y asina combati corupcion.^[1] Rudy Lampe tabata e fundado y lider di partido.

RED por wordo considera como un partido di programa, cu a haci bon gobernacion un tema politico.^[2] Ademas, tempo di su fundacion e partido a profila su mes publicamente como e unico partido politico Arubano, cu tabata pro reconocimiento di derechonan di personanan gay y un reforma di e politica pa cu droga. E partido ta conoci tambe pa e idea cu desicionnan politico importante mester wordo tuma solamente despues di consulta popular via di un referendum.

Participacion electoral

Aña	Voto	%	Asiento	+/-	Posicion	Gobierno
2005	3.330	4,49	1/21	1	4º	Oposicion
2009	2.378	4,31	0/21	1	5º	-
2013	1.209	1,11	0/21		4º	-
2017	4.166	7,10	1/21	1	4º	Coalicion
2021	1.784	3,04	0/21	1	6º	-
2024	618	0,9	0/21		9º	-

Na su prome salida den eleccionnan pa parlamento di Aruba na 2005, e partido a logra 3.330 voto y un asiento, cu a wordo ocupa pa Rudy Lampe. Na e eleccionnan di 2009 y 2013 e partido no a drenta parlamento. Na 2009, RED a campaña na Aruba pa e eleccionnan pa Parlamento Europeo, na nòmber di su partido ruman Hulandes, GroenLinks. Despues cu na 2013 e partido a perde hopi voto, e lider di partido Rudy Lampe a declara di baha for di su funcion.^[3] Ricardo Croes ta bira lider di partido na 2016. Bou di Croes como lider di lista e partido ta bolbe saca un asiento den eleccion 2017. RED ta obtene 4166 voto, e mayor cantidad den su historia electoral. Seguidamente e partido a forma parti di gobierno den e coalicion MEP-POR-RED. Entre 2017 y 2021 Rudy Lampe a representa e partido como vakminister den gabinete Wever-Croes I. Na eleccion 2021 e partido a ricibi 1789 voto perdiendo su asiento den parlamento. Durante su campaña e punto importante di atenshon tabata un sistema nobo pa e conducta di votacion den parlamento di Aruba.^[4]