Rudy Lampe
polítiko arubano From Wikipedia, the free encyclopedia
Remove ads
Armando Rudolfo (Rudy) Lampe (☆ 13 di januari 1958 na Oranjestad) ta un cientifico, antianista, ex-politico y ex-sacerdote Arubano. E tabata minister di Enseñansa, Ciencia y Desaroyo Sostenibel di 2017 te 2021. Prome di esey, e tabata miembro di Parlamento di Aruba di 2005 te 2009.
E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.Remove ads
Bida y labor
Rudy Lampe a nace na Aruba na 1958, a studia teologia na Universidad Radboud na Nijmegen y sociologia na Universidad Ibero-Americano na Ciudad di Mexico.[1] Na 1988 el a promové den ciencia social y cultural na Vrije Universiteit Amsterdam.[2] El a keda ordená como sacerdote na misa di Santa Cruz dia 22 di maart 1986. E tabata e prome sacerdote Arubano desde Mgr. Van der Veen Zeppenfeldt, cu a ser ordená sacerdote na 1918.[3] Sucesivamente el a traha den parokianan na Sint Maarten, Kòrsou y Aruba.[4]
Bou di e nomber Armando Lampe, el a publiká vários buki, artíkulo y ensayo, entre otro riba historia di iglesia na Latinoamérica y Caribe y e cristianisacion di esclavo.[5] E ta ser describi komo surinamista y antianista. Despues el a traha como docente na Instituto Pedagogico Arubano (IPA), un instituto educativo na nivel HBO.
Lampe ta kasá for di 2018.
Remove ads
Carera politico
Dia 30 di mei 2003, Lampe a funda partido RED. Como lider di partido el a encabesa e lista y tabata e cara di e partido durante su prome añanan te 2016, ora el a baha como lider di partido. Na aña 2005 Lampe a haci su debut den eleccion. El a logra 2.334 voto individual y un asiento den parlamento di Aruba. Como tal el a bira e prome sacerdote catolico cu tabata parlamentario di Aruba. Sinembargo, diocesis di Willemstad a kita su tareanan sacerdotal y na 2013 a expuls'e for di e puesto di sacerdote pa motibo di su actividadnan politico.[2]
Den parlamento, Lampe tabata un gran anfitrion di e proyecto di ley riba e financiamento di partido politico. Ademas, el a pidi sosten pa pone mandatarionan responsabel pa transaccionnan financiero. E proposicionnan aki no a logra un mayoria na e momento ey, pasobra MEP, partido na mando, tabata opone esakinan.[6]
Despues ku partido RED a hiba campaña entre e electorado Arubano pa e partido ruman Hulandes GroenLinks pa e eleccionnan di Parlamento Europeo na 2009, Lampe mes a subi riba e lista di candidato di partido Ikkiesvooreerlijk.eu pa e eleccionnan di Parlamento Europeo na 2014.
Representando partido RED, partner den e coalicion MEP-POR-RED, Lampe a sirbi for di 17 di november 2017 te cu 20 di september 2021 como vakministe den gabinete Wever-Croes I y tabata encarga cu e portfolionan di enseñansa, ciencia y desaroyo sostenibel.
Durante varios eleccion Lampe a mira un caida substancial den voto individual compara cu e eleccion anterior, yegando unicamente 89 voto individual na 2024. Tres dia despues di eleccion 2024, unda RED mes a logra apenas un total di 635 voto, el a anunsia su retiro for di politica alegando falta di interes di e electorado pa e programa di partido.[7]
Resultado electoral
Remove ads
Publicacion (como buki)
Wikiwand - on
Seamless Wikipedia browsing. On steroids.
Remove ads