Winair
From Wikipedia, the free encyclopedia
Remove ads
Winair (oficialmente Windward Islands Airways International N.V.) ta e aerolínea nacional di Sint Maarten. E ta opera den region di Caribe desde 1962. Su hub ta situa na e parti Hulandes di e isla di Sint Maarten.[1]
E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.
Remove ads
Historia
Windward Islands Airways a ser funda dia 24 di augustus 1961 pa Georges Greaux[2] cu inversion adicional di Hipployte Ledee, Chester Wathey, Louis Richardson, i algun otro. Na 1977 ALM a adkiri e compania, pero el a sigui bula bou di su propio nomber. Ora cu e sucesor di ALM a menasa di bay failliet, Winair a wordo tuma over pa Holland Exel y a sigui bou di e nomber WinairExel, sinembargo Exel mes a bati bancarota dos aña despues. Antias Hulandes a entrega Winair na e islanan di Islariba.[3] For di 10 òktober 2010 Winair ta pertenece na e paisnan Sint Maarten (92,05%) y Hulanda (7,95%).
Winair a forma te cu 24 di januari 2024 e CaribSky Alliance hunto cu LIAT y Air Caraïbes.[4] Despues cu LIAT a stop di opera, e aliansa ta solamente entre Winair y Air Caraïbes di Francia.[5] Winair ta opera buelonan interline y ta uza avionnan tipo Twin Otters (19 persona) y ATR 42-500 (48 persona).
Na luna di juli 2017, Winair a firma un acuerdo di 'codeshare' cu e aerolinea Hulandes KLM. Esaki a keda cancela na 2023, pero un acuerdo interline a keda mantene.[6]
Na fin di december 2020, durante e crísis di corona, e compania a haya sosten cu un fiansa hipotecario di 4.5 miyon dollar Mericano di gobierno Hulandes, cu a keda paga completamente na fin di 2023.[7][8] Na comienso di 2024 Winair a anuncia di kier colabora mas cu aerolineanan internacional grandi pa por crece asina.[9] Na juni 2024 el a cumpra un Twin Otter DHC 6, su prome avion nobo pa añadi na e flota cu te awor tabata consisti di avionnan di huur.[10]
Director di Winair ta Hans van der Velde.[10]
Remove ads
Destinacionnan
Cu Princess Juliana International Airport na Sint Maarten como base, Winair ta opera vuelonan regular pa tur seis isla di Caribe Hulandes[7] y ta mantene conexion cu Sint Barth, Sint Kitts, Antigua, Haiti y Tortola.[11]
Remove ads
Flota
E flota di Winair tabata consisti comienso di mei 2024 di e siguiente avionnan[12]:
Acuerdo interline
Winair tin acuerdonan di cooperacion interline cu e siguiente companianan aereo[14]:
 Air Caraïbes |
 InterCaribbean |
| Air France |
 JetBlue |
 British Airways |
 KLM |
 Caribbean Airlines |
 SLM |
| Corsair |
United Airlines |
Link externo
Wikiwand - on
Seamless Wikipedia browsing. On steroids.
Remove ads