From Wikipedia, the free encyclopedia
Иван Тургенев, русс. Ива́н Серге́евич Турге́нев, *9. новембер 1818, Орел, Россия – †3. септембер 1883, Буживал, Франция, быв русскый писатель, поет и драматик. Еден зоз класикох русской литературы, што зробив найвекшый принос в ей розвой в другой половцѣ XIX. стороча.[1][2] Дописный член императорской Академии наук в секции русского языка и словесности (1860), честный доктор Оксфордской универзиты (1879), честный член Московской универзиты (1880)[3].
Иван Тургенев | |
---|---|
Turgenev by Repin.jpg | |
Тургенев яко честный доктор Оксфорда, 1879 | |
Уроджѣня | новембра 9., 1818 Орел, Россия |
Умертя | септембра 3., 1883 (64 р.) Буживал, Франция •spinal cord neoplasm |
Погреб | Санкт-Петербург |
Псевдоним | .....въ, —е—, И.С.Т., И.Т., Л., Недобобов, Иеремия, Т., Т…, Т. Л., Т……в |
Занятя | писатель |
Язык творох | Нїмецькый , французькый , анґліцькый , російскый |
Горожанство | Російска імперія |
Праца | Петербурзька академія наук |
Час творбы | 1834—1883 |
Жанры | роман, новела, драма |
Тренд | реализм |
Родина | Тургенєви |
Батько | Тургенєв Сергій Миколайович |
Матір | Варвара Петровна Тургенева |
Брат, сестра | Варвара Николаевна Житова, Николай Сергеевич Тургенев |
Супруг(а) | none |
Вызначны роботы | Записки охотника, Батьки і діти (роман), Месяц в деревне, Муму, Дворянське гніздо, Стихотворения в прозе |
VIAF:41847346; GND:118643010; LCCN:n79144981; FAST:47302; BNF:119269157; NLKR/NLC:jn19992019653; OL:OL10240A;
|
Найславнѣйшы творы: Ловцьовы запискы (1852), Отцьове и дѣти (1862).[4]
Иван Тургенев походив з аристократичной родины, говорило ся лем по французскы, але в домѣ не было злагоды. Отець писателя, выслуженый полковник кавалерии, Сергей Николаевич Тургенев, женив ся лем з розуму, взяв богату, о 6 рокы од него старшу жену, Варвару Петровну Лутовинову, и наконець лишив ю з трьома дѣтми и одышов. Дѣтей воспитовала в строгости и нераз были биты.[4]
Иван не мав еще ани 15 рокы, коли записав ся на штудии литературы и языка до Московской универзиты, але по року продовжив науку на Санкт-Петербургской универзитѣ, а в роках 1838-1841 на Берлинской универзитѣ. В року 1841 вернув ся до России и достав пост на Министерии внутра, але по двох роках зрезигновав з карьеры урядника и рѣшив ся цѣлком оддати литературѣ.[2]
Тургенев быв на тот час единым российскым писательом зо зъявныма европскыма поглядами и симпатиями. Вплынуло на то и его дѣтство, котре стравив в родовом маетку Спасское-Лутовиново, де деспотично доминовала его мати, де видѣв вельо несправедливости и рабску покорность селян. В его розумѣню литература мала указовати живот реалистично и объективно и прислужити ся ку его вылѣпшѣню.[1]
Зачав публиковати в журналѣ Современник курты повѣданя зо сельского живота котры мали великый успѣх и в року 1852 вышли зберьков под назвов Ловцьовы запискы.[2] Тоты повѣданя указовали высокы людскы якости селян, будили ку ним симпатию и зъявньовали несправедливость их рабского статуса, котрым были фурт обтяжены.[1]
Коли в яри 1852 умер Николай Гоголь, Тургенев написав о нем некролог, в котром зо захватом говорив о его творчости. Столична цензура публикацию заказала, але Тургенев дав некролог напечатати в Москвѣ. За то быв арештованый на мѣсяць в Санкт-Петербургу, а пак до року 1855 быв му присудженый домашный арешт в Спасском-Лутовиновѣ. В року 1863 выѣхав з России и одтогды жив стало в заграничу.[2] В реалности причинов репресий были его Ловцьовы запискы, хоть Тургенев критизовав панщину доста деликатно.[1]
Цензор В. В. Львов, котрый допустив публикацию Ловцьовых записок, быв подля особного росказу императора Николая I. пропущеный зо службы без права на пензию.[5] Але суть свѣдчѣня, же книга мала великый вплыв на престолонаслѣдника, котрый, доставши владу, ослободив селянство.[4]
Ловцьовы запискы подняли Тургенева в первый ряд русскых прозаикох. Хоть Толстой перевысшать го широкостьов забераня, а Достоевскый — глубинов и оригиналностьов, але Тургенев — первый русскый штилиста. Згущеность е вобще една з главных характерностей Тургенева, котрый зовсѣм не писав обсяжны дѣла, а в Ловцьовых записках она доведена до высшого совершенства: двома-трьома чарками Тургенев рисуе найзложенѣйшый характер.[4]
В далшых роках Тургенев написав шор романох и драм. В Середньой и Западной Европѣ его творы принимали яко жерело познаня идеового и политичного вывоя в России. Сам автор быв противник всякой револуции, а прихылник поступного вывоя, зато его «прогресивных» геройох дакотры критикы поважовали за карикатуру, але были они реалистичны, так же молодежь брала их за взор.[6]
Тургенев стоить меджи великанами свѣтовой литературы, в русской прозѣ е майстром штилистикы, его штил мать силу и живость, а въедно з тым вытонченый, а в описах природы не е му пары. Настрой его звекша моцно песимистичный. Моралный упадок российской ноблесы змальовав хмуравыма, але реалистичныма фарбами. в романѣ Отцьове и дѣти назвав российскых револуционарьох яко первый нигилистами, и одтогды по цѣлом свѣтѣ хоснують тоту назву. На Угорской Руси творы Тургенева переклали по мадярскы Мигаль Финцицкый и Ласлов Чопей.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.