Бернска Интернационала

Бернска Интернационала была правосоциалистична интернационала, сформована В Бернѣ, Швайц 3-9. фебруара 1919.^[1] Ей цѣль была воскресити Другу Интернационалу. Участникы Бернской Интернационалы не подтримовали идеи свѣтовой револуции и диктатуры пролетариата и не хотѣли вступати до Комунистичной Интернационалы.

Суть другы вызнамы, см. Интернационала.

Бернска Интернационала
Предходник	Друга Интернационала
Наступник	Роботницка и Социалистична Интернационала
Закладатель	Едвард Бернштайн, Карл Каутскый
Взник	фебруар 1919
Заник	май 1923

Карл Каутскый и Едвард Бернштайн внесли резолуцию, котра засуджовала болшевикох и захвачѣня нима влады в России, але иншы контровали, же е много неясного, што ся там дѣе. Наконець было рѣшено загнати делегацию до России, а остаточне становиско сформуловати аж по иншпекции. Совѣтскый режим пристав на то, але зажадав, жебы одповѣдно совѣтска иншпекция пришла до каждой з тых держав, котры тоту резолуцию подписали. На то одповѣдь не достали, а жадна иншпекция до России нигда не пришла.^[2]

В маю 1923 Бернска Интернационала споила ся зоз Вѣденьсков Интернационалов и створили Роботницку и Социалистичну Интернационалу.^[1]

Жерела и одказы

• Berne International. //James C. Docherty, Peter Lamb: Historical Dictionary of Socialism. 2nd ed. 2006. ISBN 978-0-8108-5560-1 P. 52.
• Glossary of Events: Berne International Conference. //Marxists Internet Archive Encyclopedia