Василь Гомоннай

Васи́ль Васи́льович Гомонна́й, *11. децембра 1920, Барбово, Мукачовскый округ, Подкарпатска Русь, Чехословакия – †24. септембра 2004, Ужгород, Закарпатска область, Украина — педагог, професор, доктор педагогичных наук, заслуженый учитель Украины.^[1][2][3]

Василь Гомоннай Василь
Увидьте фото
Чинность	педагог, организатор школства
Сфера	освіта в Україні, Освіта в Угорщині
Горожанство	СССР, Україна
Уроджѣня	децембра 11., 1920(1920-12-11)
Барбово, Мукачовскый округ, Подкарпатска Русь, Чехословакия
Упокоеня	септембра 24., 2004 (83 р.)
Ужгород, Закарпатска область, Украина
Праца	Ужгородска народна универзита
Дѣти	Гомоннай Олександр Васильович
ЕСУ:30767; Ту можуть быти податкы з Wikidata, не контролованы авторами статѣ

Походжѣня и школы

Походив зоз многодѣтной родины, де было 11 дѣти. Абсолвовав народну школу в Барбовѣ (1931), горожанку в Бѣлках (1936), Мукачовску державну учительску семинарию (1942).

Учительство и организация школства

Учительовав в Тячовском округу, де по войнѣ активно включив ся до реорганизации школства подля совѣтской системы. В роках 1948–1955 быв ведучым Тячовского окружного оддѣла народной освѣты.^[1]

В той добѣ были выставлены середны школы в Буштинѣ, Тересвѣ, Тереблѣ, Углѣ, Ольховцях, Ганичах, Усть-Чорной, Нересници ай вельо школ по малых оддаленых селах. За тоту роботу быв удостоеный титулы Заслуженый учитель УССР (1954). Екстерно зыскуе высокошколску диплому в Киевском педагогичном инштитутѣ им. М. Горького (1954). В року 1955 став на челѣ Закарпатского областного оддѣла народной освѣты, де под его проводом в роках 1955–1962 збудованы десяткы школ ай интернатных школ, як то: в Ужгородѣ, Перечинѣ, Свалявѣ, Великом Березном, Виноградовѣ, Береговѣ, Буштинѣ ай инде, отворены 112 школ з мадярскым и румынскым языком выукы.^[4]

Научна робота

В року 1962 перешов на роботу до Ужгородской державной универзиты: кандидат педагогичных наук (1962), доктор педагогичных наук, професор (1970).^[3] Быв ведучым катедры педагогикы и психологии (1966–1986).^[3] Автор понад 200 статей з области методикы выучованя, дидактикы, воспитаня молодежи, иновацийных технологий, истории педагогикы в Середньой Европѣ.^[4][5]

В року 1995 пензионовав, але продовжовав педагогичну роботу яко професор Закарпатского инштитуту подипломной педагогичной освѣты ай Ужгородского державного инштитуту информатикы, економикы и права, активный автор приручникох про штуденты.^[4]

З творбы (монографии)^[1][4][5]укр.

• Розвиток народної освіти в Угорській Народній Республіці. 1945-1960 (1962) ,
• Педагогічна думка в Угорщині (1969),
• Народное образование в Венгрии (1972),
• Народное образование в европейских странах социалистического содружества (1978),
• Народна освіта Радянського Закарпаття (1988),
• Нариси з розвитку педагогічної думки і школи Закарпаття (1990),
• Антологія педагогічної думки Закарпаття (ХІХ – ХХ ст.) (1992),
• Етико-психологічні проблеми сімейного виховання молоді (1994),
• Августин Волошин (1995, співавтори М.Зимомря, М.Вегеш),
• Школа та освіта Закарпаття (1997, співавтори В.Росул, М.Талапканич),
• Видатні педагоги України (ХІХ – ХХ ст.) (2001, співавтор В.Росул,
• Педагогічна освіта на Закарпатті (2003, співавтори Ходанич П.М., Росул В.В.)

Награды и сполоченскы функции

• Знак «Відмінник народної освіти УРСР» (1952)
• Титула Заслуженый учитель УССР (1954).
• Орден Трудового червоного прапора (1960)
• Медаль «За доблестный труд» и Медаль А. С. Макаренка (1965)

В роках 1965–2004 быв на челѣ Закарпатского оддѣлѣня Педагогичного товаришства Украины, вецеразы быв выбраный до Закарпатской областной ай Тячовской районной рад народных депутатох, де активно обстойовав интересы освѣты и ей працовникох.^[4]

Жерела и одказы

• Алмашій, Михайло: Гомоннай Василь //Русинська педагогічна енциклопедія. — Ужгород: Карпатська Вежа, 2005. — 304 с. ISBN 966-2674-43-Xукр. Сс. 68–69.
• Довжанин, Оксана (2020). Вчений педагог та професор. ЗОУНБ. http://www.biblioteka.uz.ua/vistavka/?presentation=185. [перевірено 2020-12-19].укр.
• Ходанич П. М. (2007): Гомоннай Василь Васильович //Енциклопедія Закарпаття. Визначні особи ХХ століття. Закарпатський осередок НТШ. Під наук. ред. Довганича О. Д. — Ужгород: «Гражда», 2007 — 400 c. ISBN 978-966-8924-33-0 укр. Сс. 98–99.
• Ходанич П. М. (2006). Гомоннай Василь Васильович. ЕНЦИКЛОПЕДІЯ СУЧАСНОЇ УКРАЇНИ. http://esu.com.ua/search_articles.php?id=30767. [перевірено 2020-12-19].укр.
• Ходанич П. М. (2020). Василь Васильович Гомоннай / 100-річчя від дня народження вченого-педагога та громадського діяча (1920–2004). Календар краєзнавчих памятних дат Закарпаття на 2020 рік. Ужгород: TIMPANI, 2019. Сс. 228–233. ISBN 978-617-7378-50-8.укр.