Велика Копаня

Велика Копаня — село в бывшом Виноградовском районѣ (од року 2020 — в Береговском) Закарпатской области Украины, центер сельской рады.^[2]

Село Украины Велика Копаня укр. Велика Копаня Выгляд на село и долину Тисы Держава УкраинаУкраина Еврорегион КарпатыКарпаты Область Закарпатска Громада Виноградовска ОТГ Координаты 48.191389, 23.12777848°11′29″ с. ш. 23°07′40″ в. д.48.191389° с. ш. 23.127778° в. д. (G) (O) (Я) Розлога 58,83[1] км² Вышка центра 146 м Обывательство 3 500 особ (2024) Часова зона UTC+2, влѣтѣ UTC+3 Телефонный код +38 03143 Поштовый индекс 90330 КОАТУУ 2121281501 Велика Копаня

Административа

Мѣстна администрация^[1]укр.

Великокопанська сільська рада

90330, Закарпатська обл.,

Виноградівський р-н,

с. Велика Копаня, вул. Шевченка, 5

тел. [phone]

До сельской рады административно належить тыж Мала Копаня.

Од року 2020 входить до Виноградовской громады.

Полога

Село розложене на правом березѣ Тисы о 12 км на сѣверовосток од районного центра, на восточной околици села лежить желѣзнична заставка Велика Копаня^[2][3] линии Батьово–Солотвино.^[4]

История

Перва упоминка о селѣ в историчных документах походить з року 1430.^[2]

В року 1910 в селѣ зраховали 1922 обывательох, векшинов Русинох, а тыж была значна нѣмецка меншина; до Трианона село належало Тисянскому округу, мад. Tiszáninneni járás, жупы Угоча.^[5]

В року 1930 в селѣ заевидовали 2467 обывательох, з них были: 2186 Русины, 248 Евреи, 14 Мадяре, 14 Чехы и Словаци, 5 — чужоземцѣ. До грекокатолицкой громады входив 2141 вѣрник, а мала она муровану церкву Св. Тройцѣ од року 1853. В селѣ была русинска школа (6 клас) и чешска (2 класы), нотарскый уряд, пошта, жандарска станиця, ходив державный автобус. Селяне ся занимали кошаркарством, ай были сталы курзы, де ся тото майстерство мож было научити.^[6]

В добѣ УССР в селѣ было мясо-молочне, овоцинарске и виноробне земледѣлске дружство, котрому належали 1400 га земель, 700 голов маргы, 17 тракторы, 9 терьховых авт. Велика Копаня мала середню школу, двѣ библиотекы, културный дом, болницю и амбулаторию, аптеку, пошту, 8 торговых точок. В той добѣ выставили 370 новых хыж.^[2]

Жерела и одказы

• A történelmi Magyarország atlasza és adattára 1914 ISBN 963 85683 3 X Доступно онлайн
• Достал, Ярослав. Підкарпатська Русь (Закарпаття періоду Чехословацької республіки: 1919–1938). Ужгород, «Карпати», 2014. ISBN 978-966-671-374-5 укр.
• Тронько П. и др. (ред.) Історія міст і сіл України. Том 7. Закарпатська область. К. 1969. укр.
• Облікова картка села Велика Копаня. Верховна Рада України. http://w1.c1.rada.gov.ua/pls/z7503/A005?rf7571=11086. [перевірено 2020-11-15]. укр.
• Желѣзнична заставка Велика Копаня. railwayz.info. https://railwayz.info/photolines/station/2297. [перевірено 2020-11-15]. русс.