Великый Бычков

From Wikipedia, the free encyclopedia

Великый Бычков
Remove ads

Великый Бычков (до року 1944 — Великый Бочков),[1] укр. Великий Бичків, мад. Nagybocskó, рум. Bocicoiu Mare — мѣстечко в Раховском районѣ Закарпатской области Украины. Статус мѣстечка, тогды укр. «селище мѣстского типа», достало в року 1947.[4]

Коротка інформація
Remove ads

Административа

Мѣстна администрация[5]укр.
Великобичківська селищна рада
90615, Закарпатська обл.,
Рахівський р-н,
смт. Великий Бичків, вул. Грушевського, 108
тел. 03132-33238
Староста: Божук Йосип Михайлович

Од року 2020 створена Великобычковска громада, до котрой (окрем Великого Бычкова) входять мѣстечко Кобылецка Поляна и ещи 7 сел.

Полога

Лежить на правом березѣ Тисы, оддалене о 35 км од районного центра Рахова, и о 12 км од желѣзничной штации Солотвина[4] (желѣзниця в том одсѣку ходить по румынском боку). На противном, лѣвом березѣ Тисы, котрый належить Румынии, простер ся румынскый Великый Бочков, рум. Bocicoiu Mare, котрый в минулости называв ся Нѣмецкый Бочков, мад. Németbocskó. Правобережна украинска часть в минулости ся дѣлила на Великый и Малый Бочков[6]

Remove ads

История

Перва упоминка датована роком 1373 под назвов Bochkou. [7] В року 1720 на рѣцѣ Шопурка зачала фунговати пила, найвекша в Подкарпатю.[1][8] В року 1868 отворила ся швайчарско-мадярска хемична фабрика (од року 1896 фирма Клотилда), котра достала на 50 рокы лицензию на выхоснованя лѣса и выробляла яко перва в цѣлой Австро-Мадярщинѣ путьом сухой дестилации дерева оцет, деревне угля, иншу продукцию. В року 1897 ту мали роботу 420, в року 1900 — 574 роботникы. Продукция ишла на експорт до штатох Европы, до Галичины, Буковины и России, прото в року 1887 желѣзниця была продовжена за Зимирскый просмык на сѣверну сторону Карпат.[4]

В року 1910 Великый Бочков мав 5955 обывательох, меджи нима были 3078 Русины, 1646 Мадяре и 1177 Нѣмцѣ.[6]

По Первой свѣтовой войнѣ ту наростать роботницкый рух. В чехословацкой добѣ В. Бочков ставать ся едным з найвекшых револучных и културницкых центрох Подкарпатской Руси. В децембрѣ 1933 в Бочковѣ учитель мѣстной горожанкы Ю. А. Шерегий основав театер Нова сцена — первый украинскый професионалный театер Подкарпаткой Руси.[8]

В року 1930 штатистика евидуе в Бочковѣ 6707 обывательох: 4363 Русины, 1253 Евреи, 571 Мадяр, 272 Чехы и Словаци, 30 Нѣмцѣ, 10 — иншы, 208 — чужоземцѣ. Школы: мѣшана горожанка (7 клас, русинска и чешска); русинска народна (6 кл.); чешска народна (5 кл.), русинска народна (5 кл. в приселку Малый Бочков). Штатны уряды: нотарскый, жандарскый, пошта-телеграф-телефон, даньовый, цолный, лѣсозаготовный.[9]

В добѣ УССР на базѣ Клотилды створеный Великобычковскый лѣсохимкомбинат, котрый значно модернизовав и росширив продукцию, а тыж занимав ся высаджованьом лѣса. В той добѣ выбудовали 1270 новы будинкы, отворены болниця, породницке оддѣлѣня, поликлиника: середня школа, середня интернатна школа, културный дом (1964).[4]

В року 2004 в Бычковѣ основаный женскый грекокатолицкый монастырь.[8]

Етимология назвы

Украинизована назва Bičkiv Velký зафиксована аж под роком 1925.[7] Исторична и официална назва Великый Бочков была «украинизована» новов владов в року 1944 на Великий Бичків.[1] Авторитетный слависта Иштван Кньежа поважовав, же Bočkov — присвойна форма од властного имени Boček. Подля людовой етимологии, назва Бочков може походити од славянского апелатива *bъčьka 'бочка' зато, бо там правили великы бочкы, в котрых ся вывозила соль из Солотвина.[7]

Remove ads

Жерела и одказы

Remove ads

Референции

Loading related searches...

Wikiwand - on

Seamless Wikipedia browsing. On steroids.

Remove ads
Remove ads