Вучково

Вучково, укр. Вучкове — село в бывшом Межгорском районѣ^[3] Закарпатской области Украины. Од року 1995 статус горского села.^[4]

Село Украины Вучково Вучкове укр. Держава УкраинаУкраина Область ЗакарпатскаЗакарпатска Еврорегион Карпаты Громада Межгорска Координаты 48.444444, 23.54833348°26′40″ с. ш. 23°32′54″ в. д.48.444444° с. ш. 23.548333° в. д. (G) (O) (Я) Надморска вышка 359[1] м Обывательство 697[2] особ (2001) Часова зона UTC+2, влѣтѣ UTC+3 Телефонный код +380 3146 Поштовый индекс 90046 КОАТУУ 2122480801 Вучково

Полога

Село лежить над рѣков Рѣка о 15 км пониж районного центра, на автодорозѣ Межгорье – Хуст.^[5]

История

Первы упоминкы в документах походять з рокох 1548 (Wochkowo) и 1600 (Vuchkomezeo).^[6] Назва подля лингвистох походить од закладателя села на имя Ву́чко (деминутив од сербского або хорватского Вук).^[7] Мадярска назва Vucskómező мать вызнам Ву́чково поле и е прямым перекладом з русинского, а украинска Вучкове — тото украинизована исторична русинска назва.^[6]

Село Vucskómező в географичном словнику Елека Фейньеша (з року 1851) зазначене як мараморошска осада зоз 280 руськыма обывателями грекокатолицкой вѣры, з материнсков церквов (што мала филиалку), добрыма паствисками и красныма лѣсами.^[8] Одтогды зачав ся интензивный рост села. В послѣдных роках австро-мадярской добы, в року 1910 Вучково Поле (sic!) упомянуте яко русинске село зоз 568 обывателями.^[9]

Подля списованя з року 1930 (в чехословацкой добѣ) село мало 607 обывательох, а з того были 588 — Русины, 9 — Евреи, 9 — Чехы и Словаци, 1 — Нѣмець. В селѣ была мурована грекокатолицка церква Св. Николая з року 1914 и нова православна деревяна церква Св. Юрия з року 1931. Религийна громада была православна и числила 566 вѣрникох. Державны инштитуции: сельска школа (една класа русинска и една чешска), жандарска станиця, заставка державного автобуса.^[10]

Украинска доба в селѣ зачала ся 22. октобра 1944 вступом 237. стрѣлецкой дивизии Червеной армады. В добѣ УССР ту была комплексна бригада колгоспа «Радянська Верховина», лѣсництво, лѣсопункт, два цехы Межгорского лѣсокомбината — на обрабляня дерева и на выробу мучкы з иглича. В роках 1947 – 1968 тутешне лѣсництво засадило 1370 га лѣсу.^[5]

Днешность

Во Вучковѣ фунгуе восѣмрочна школа, клуб взорной роботы, библиотека.^[5]

Вызнамны особы

• Василий Такач (1879–1948), первый епископ Русинской Грекокатолицкой Церкви США.
• Петро Продан (1919–2021), педагог и писатель — учительовав и творив в селѣ од року 1953, тут и похованый.

Сельска рада

Вучківська сільська рада^[2] укр.

90046, Закарпатська обл., Міжгірський р-н, с.Вучкове

Тел. [phone]

Администрованю сельской рады подряджене и сосѣдне село Подчумаль.

Интересны факты

• Село далеко познате своим пчоларством. Ту мож видѣти уникатный памятник пчолѣ мѣстной карпатской файты.^[11]
• Недалека гора Кук (1361 м н.м.), што лежить около 12 км (воздушнов линиев) на сѣверовосток од села, вызначена мѣстныма географами як географичный центер области.^[11]

Жерела и одказы

• Fényes Elek: Magyarország geographiai szótára, I–IV. (Pest, 1851; reprint: Budapest, 1984) ISBN 9630227002
• Révai nagy lexikona. 19. köt. Révai Testvérek Irodalmi Intézet Részvénytársaság, Budapest, 1926. мад.
• Sebestyén Zsolt: Máramaros megye helységneveinek etimológiai szótára. Bessenyei könyvkiadó. Nyíregyháza, 2012. ISBN 978-615-5097-53-9 мад.
• Достал, Ярослав. Підкарпатська Русь (Закарпаття періоду Чехословацької республіки: 1919–1938). Ужгород, «Карпати», 2014. ISBN 978-966-671-374-5 укр.
• Тронько П. и др. (ред.) Історія міст і сіл України. Том 7. Закарпатська область. К. 1969. укр.
• Чучка, Павло: Прізвища закарпатських українців: Історико-етимолопмпий словник.— Львів: Світ, 2005. — 704+XLVIII с. ISBN 966-603-279-1 укр.
• Облікова картка на сайті ВРУ (по украинскы). http://w1.c1.rada.gov.ua/pls/z7503/A005?rf7571=11274. [перевірено 2019-08-05].
• Вучково-информер. 2025-08-12. http://weather.in.ua/ua/zakarpatskaja/4714. [перевірено 2019-08-05].
• Пилипчинець В., Нитка В. (2016-11-04). Туристичні обрії Вучкового (по украинскы) (ФОТО). Голос України. http://golos.com.ua/article/278377. [перевірено 2019-08-06].