Дисидент (политика)

Дисиде́нт од лат. dissidens „несогласный“ — особа, котра ся усилуе змѣнити екзистуючу сполоченску, политичну, културну систему або погляды. Понеже дисиденты огрожують установлены порядкы, часто терплять перзекуции и векзатуры од владных органох.^[1]

Суть другы вызнамы, см. Дисидент.

Российскый атомовый физик Андрей Сахаров (1921–1989), вызнамный совѣтскый дисидент, бойовник за атомове одзброеня

Политичны дисиденты

Хоть понятя дисидентства може ся дотыкати вецерох сфер, найчастѣйше односить ся ку политичным дисидентам. Политичны дисиденты не суть в опозиции лем ку дакотрым политичным лидерам, або групам; им радше иде о радикалну змѣну политичной системы в цѣлому. Найвеце суть познаты политичны дисиденты в державах з авторитарной системов влады. Зокрема, тото понятя поуживало ся ку отвореным опонентам комунистичных влад. Познатыма примѣрами такых дисидентох были Андрей Сахаров и Александр Солженицын в СССР, Вацлав Гавел в Чехословакии и Лех Валенса в Польщи.^[1]

Репресивный апарат державы рѣдко ся поуживав на пряме знищѣня дисидентох. Акцент ся давав на правове преслѣдованя, моралный, психологичный тиск, дискредитацию особы и подобне. Была тыж хоснована практика репресивной медицины — примусового лѣчѣня дисидентох у психиатричных болницях. Поступы дисидентох тым способом перевела влада з политичного, статусу до медицинской проблемы — было то означоване як прояв хвороты, ненормалности.^[2]

„	Дисидентом ся чоловѣк не ставать зато, же раз му тота чудна идея прийде на думку, але зато, бо внуторна зодповѣдность в парѣ з тым, што го окружать, попросту го в тоту позицию поставлять: е вышмареный з екзистуючых штруктур и поставленый в конфронтацию з нима. Оригиналный текст (чеш.) „Disidentem“ se člověk nestává tak, že se jednoho dne rozhodne pro tuto svéráznou kariéru, ale proto, že vnitřní odpovědnost kombinovaná s celým komplexem vnějších okolností ho prostě do tohoto postavení uvrhne: je vyhozen z existujících struktur a postaven do konfrontace s nimi. Václav Havel: Moc bezmocných. Praha: Lidové noviny, 1990, s. 37. ISBN 80-7106-005-4	”

Жерела и одказы

• Лісничук О.: Дисидентство. //Політична енциклопедія. Ред. Левенець Ю. и др. Київ: Парламентське видавництво, 2011. — 808 с. ISBN 978-966-611-818-2 Сс. 216-217.
• Dissidents. //Encyclopedia.com