Дмитро Кешеля

Дмитро Кешеля, укр. Кешеля Дмитро Михайлович *27. октобер 1951, Клячаново, Мукачовскый район, Закарпатска область, УССР — прозаик, новинарь, драматик, сценариста, член НСПУ (1979).^[2][3][4][5]

Дмитро Кешеля
Дмитро Михайлович Кешеля
Увидьте фото
Уроджѣня	октобра 27., 1951 (1951-10-27) (73 р.) Клячаново, Мукачовскый район, Закарпатска область, УССР
Занятя	писатель, новинарь
Горожанство	СССР, Україна
Едукация	филолог
Alma mater	Ужгородска народна универзита, 1974
Членство	Народный сполок новинарьох Украины, Народный сполок писательох Украины
Супруг(а)	Надѣя[1]
Дѣти	Леся (новинарька), Тарас (правник)[1]
VIAF:111489840; GND:1041567391; LCCN:nr89016073; FAST:1493126; NLKR/NLC:js2017947402; GKG:/g/11vk8sxrl; Ту можуть быти податкы з Wikidata, не контролованы авторами статѣ

Пришов на свѣт в селянской родинѣ. Середню школу в закончив в родном селѣ (1969). Уже в школѣ выступив зо своим первым повѣданьом Тополя в районной новинцѣ Прапор перемоги (Мукачово, 1967).^[4] Притяг до красного слова привюг го на филологию до Ужгородской державной универзиты (1969–1974), по закончѣню котрой працовав в Закарпатском областном комитетѣ радиа и телевизии. Од року 1996 — заступник генералного директора Закарпатськой областной державной телерадиокомпании.^[5] Автор пару десяток книг (повѣданя, повѣсти, романы, дѣточы книгы), успѣшный драматик, сценариста и режисер понад десяткы филмох о културѣ, традициях, истории и вызнамных особах родного края. Вшиткы рецензенты зазначали неповторность штилу: поеднаня фантастичного з реалистичным, трагичного, комичного и лиричного, свойску манѣру росповѣди, напятый сюжет, тонке одчутя ритму, словно-звукового низаня речи, стямили близкость його писма до химерных романох и прозы Г. Гарсия Маркеса.^[6]

„	Нигда ем не намѣряв ся зобразити реалность: на тото суть преса, радио, телевизия, интернет. Рисую живот не реалный, а тот, што ми ся любить, творю новый свѣт, котрый ся, ачей, полюбить и моим читателям.	”
Оригинал укр. Я ніколи не мав за мету відображати дійсність. Із цим завданням хай справляються преса, радіо, телебачення й інтернет. Я зображую життя не таким, яким воно є, а таким, яким хочу його бачити. Не відтворюю реальність, а творю якісно новий художній світ, у якому, можливо. хотілося б жити багатьом з тих, хто знайомиться з моїми книгами. Д. Кешеля[1]

Д. Кешеля пише по украинскы, але густо домѣшуе з руснацкой народной бесѣды, хоть сам, як урядник сферы масмедий, печливо ся осокочуе всякых контактох з русинскыма организациями и нияк ся не участнить в их акциях.^[2] Его героями суть «шалены Руснаци», в его книгах нанезрахованя историчных и политичных подробностей, о котрых пише зоз сарказмом и «шаленым гумором, што додавать збѣснѣлой скорости его творам: лем перше есь быв в серединѣ книжкы, а вже есь на околици, а й сама держава уж ся зостала за готаром».^[7]

Интересны факты

• В часѣ штудий на универзитѣ на первом рочнику Кешеля написав филозофско-поетичны Монологы-молитвы за котры го обвинили з «выкривлѣня совѣтской реалности и замаху на социалистичный реализм» а лем чудом го не выгнали.^[8]

Жерела и одказы

• Поп, Іван: Кешеля Дмитро //Енциклопедія історії та культури карпатських русинів. Укладачі Маґочій П. Р., Поп І. — Ужгород: Вид-во В. Падяка, 2010. — 856 c.+ХХХІІ с. ISBN 978-966-387-044-1 укр. Сс. 331–332
• Картка: Кешеля Дмитро Михайлович. Сервер журналістів. http://static.rada.gov.ua/intranet/ukrzmi/human/0133136.htm. [перевірено 2021-10-23].укр.
• Хланта І. В.: Кешеля Дмитро Михайлович //Енциклопедія Закарпаття. Визначні особи ХХ століття. Закарпатський осередок НТШ. Під наук. ред. Довганича О. Д. — Ужгород: «Гражда», 2007 — 400 c. ISBN 978-966-8924-33-0 укр. Сс. 158–159
• Ходанич П. М. (2012). Кешеля Дмитро Михайлович. // Енциклопедія Сучасної України: електронна версія [веб-сайт] / гол. редкол.: І.М. Дзюба, А.І. Жуковський, М.Г. Железняк та ін.; НАН України, НТШ. Київ: Інститут енциклопедичних досліджень НАН України. https://esu.com.ua/search_articles.php?id=11859. [перевірено 23.10.2021].укр.