Дре́ждяны (в.-луж.Drježdźany од старолужицького Drežďany, чеськ. Drážďany), Дре́зден (нїм.Dresden) — головне краёве місто (Landeshauptstadt) Слободного штату Сасько, Нїмецька. Місто, в котрім жыє приближно 566 тысяч обывателїв, має статус містьского окресу (Kreisfreie Stadt). Дреждяны суть другым найвекшым містом Саська по Ліпску, і де є ту штатна влада, краёвый парламент і далшы уряды. Окрем того, ту сконцентрованы многы саськы школьскы і културны інштітуції, меджі них Технічна універзіта в Дреждянах, Высока школа технікы і економії, Высока школа вытварного уменя і Высока музикальна школа Карла Марії фон Вебера. Флоренція на Лабі є транспортным вузлом і господарьскым центром того самого метрополітного реґіону, в котрім жыє до 750 000 обывателїв. Є то єден з найекономічно дінамічнїшых реґіонів Німецька, де ключову функцію грають іновації і сучаснї технології, наприклад інформачны технолоґії і наноелектроніка. Значну придану вартость мають в областї Дреждяны і такы одборы, як фармація, косметіка, машинобудованя, будованя, потравинарьска індустрія, оптічный промысел, послугы, обход і турізм.
Коротка інформація Дреждяны, Основны інформації ...
