Комашня

Кома́шня — колективна трапеза у памнять за умершым, учинена родственниками у хыжи де жив покойник, у динь похорон, на сороковый динь по смерти и т.д^[1].

Комашня у русинӯв

Комашня у русинӯв є традичным обрядом колективной трапезы у честь умершого, чинить ся у хыжи де жив покойник, часто на проведеня такых міроприємств убирать ся єдно приміщеня. По похоронах люди ся вертавуть из тиметова у двӯр де жив покойник, там, май часто жоны из числа родственникӯв и сусідӯв парувуть гостину, часто пӯстну, обычно на комашню ся чинять такі стравы ге булі топтані, рыба печена, левеш, кнедликы из пудливов, на столови часто є варена «на́сухо» пасуля «дзёбачка». Из алкогола на столови є палинка, солодкі воды, зрідка вино. Не чинити комашню у русинӯв рахує ся непростимым гріхом, не чинять комашню хыба по смерти самоубийци авадь дітины, а кідь и роблять та кличуть леш май близкых родственникӯв, ямашӯв и даколи сусідӯв.^[2]

Иппен позерайте

• Роковины
• Смертный лист
• Смерть
• Псалтырь
• Псавтыря