Копашново

Копашново, мад. Gernyés, чеш. Kopašnovo — село в Хустском районѣ Закарпатской области Украины, центер сельской рады, котрой тыж подряджены села Лунка, Поляна, Хустець.^[2][3][4] Од року 2020 входить до Хустской городской териториалной громады.

Копашнівська сільська радаукр.

90436, Закарпатська обл., Хустський р-н,

с. Копашново, 574

Село около Хуста Копашново Держава УкраинаУкраина Область (Украина)|Область ЗакарпатскаЗакарпатска Район Хустскый Сельска рада Копашновска Координаты 48.215556, 23.44888948°12′56″ с. ш. 23°26′56″ в. д.48.215556° с. ш. 23.448889° в. д. (G) (O) (Я) Надморска вышка 245[1] м Обывательство 3161 особа (2001) Часова зона UTC+2, влѣтѣ UTC+3 Телефонный код +380 3142 Поштовый индекс 90433 КОАТУУ 2125384001 Копашново

Полога

Лежить на берегах рѣкы Хустець, правого притока Тисы, за 18 км на сѣверовыход од районного центру Хуст.^[2]

История

Перва упоминка в листинѣ краля Жигмонда^[5] под назвов Gernesfalua датована роком 1409.^[3]

В року 1910 зоз 1828 обывательох были; 1605 Русины, 208 Нѣмцѣ, 15 Мадяре; подля вѣры: 1619 грекокатолици и 207 израелиты. До Трианона село належало Хустскому округу (Huszti járás) жупы Мараморош.^[6]

В чехословацкой добѣ, од 1920-х зачав ся активный переход на православие, и в року 1922 православны, ведены Ю. Кенизьом заяли грекокатолицку церкву и фару.^[7]

В року 1930 в селѣ заевидованы 2230 обывателѣ, а то: 2014 Русины, 211 Евреи, 4 Чехы и Словаци, еден чужоземець. Найвекшы двѣ религийны громады: 1107 православны, котры мали муровану церкву Покровы Пресвятой Богородицѣ (1930), и 908 грекокатолици, зоз мурованов церковльов той истой посвяты од року 1896 (в року 1981 збуряна). В селѣ была русинска школа (4 класы).^[4]

Украинска доба истории села зачала ся з приходом Червеной армады 23. октобра 1944. В селѣ отворили восямрочну школу, библиотеку, клуб. Село было поименоване Копашневе.^[2]

В року 1990 грекокатолици достали были дозвол на обновлѣня их збуряной (1981) церкви, але такой скоро тот дозвол одкликали. Наконець, в року 1996 зачали выставбу новой грекокатолицкой церкви.^[7]

В року 1995 Закарпатска областна Рада вернула селу его стару назву: Копашново.^[8]

Вызнамны родаци

• Иван Хланта (*1941), педагог, литературознатель, библиограф, фолклорист

Жерела и одказы

• A történelmi Magyarország atlasza és adattára 1914 ISBN 963 85683 3 X Доступно онлайн мад.
• Sebestyén Zsolt. Máramaros megye helységneveinek etimológiai szótára. Bessenyei könyvkiadó. Nyíregyháza, 2012. ISBN 978-615-5097-53-9 мад.
• Ярослав Достал: Підкарпатська Русь (Закарпаття періоду Чехословацької республіки: 1919–1938). Ужгород, «Карпати», 2014. ISBN 978-966-671-374-5укр.
• Тронько П. и др. (ред.): Історія міст і сіл України. Том 7. Закарпатська область. К. 1969. укр.
• Федака, Сергій: Населені пункти і райони Закарпаття. Історично-географічний довідник. "Ліра". Ужгород, 2014. ISBN 978-617-596-158-2 укр.