Мелихар Гродецкый

Святый Мелихар Гродецкый SJ, пол. Melchior Grodziecki, мад. Grodecz Menyhért, словац. Melichar Grodecki (* 1584, Чешин, Священна римска империя – † 7. септембер 1619, Кошицѣ, Мадярске кральовство) — быв йезуит каплан, мисионер, еден з трьох кошицкых мученикох, въедно з Штефаном Понграцом и Марком Крижевскым.^[1]

Святый Мелихар Гродецкый SJ
йезуит, каплан, кошицкый мученик
Родженый	1584 Чешин, Священна римска империя
Спочилый	7. септембер 1619 Кошицѣ, Мадярске кральовство
Честованый в	Католицкой Церкви
Беатификация	15. януар 1905, Рим од Папы Пия X.
Канонизация	2. юлій 1995, Кошицѣ од Папы Иоанна Павла II.
Праздник	7. септембер
Святый Мелихар Гродецкый SJ на Викискладѣ

Биографичны даты

Родив ся в шлезском Чешинѣ, в року 1584. Походив зоз шляхетной родины. Во Вѣдню выштудовав йезуитску гимназию, пак в року 1603 в Брнѣ вступив до Товаришства Исусового. Од року 1608 в Празѣ абсолвовав теологичны и филозофичны штудии, по чому в року 1614 быв высвяченый на каплана ай вдякы его доброму чешскому языку служив службы по чешскы В року 1616 достав уряд директора Коледжа Святого Вацлава. В року 1618 быв посланый яко гарнизонный каплан до кошицкого пограничного гарнизона, солдатами котрого были Нѣмцѣ и славянскы народы, переважно Чехы и Поляци.^[1][2][3]

Мучеництво

В Кошицях утримовав тѣсны контакты з Марком Крижевскым и Штефаном Понграцом. 5. септембра 1619 Кошицѣ были добыты гайдуками Габора Бетлена и Дьердя Ракоция, и вшиткы трое католицкы священици были арештованы и мучены. Хотѣли од них, жебы переступили на калвинску вѣру. Коли того не домогли ся зачали их мордовати. Мелихар Гродецкый быв наконець в ночи на 7. септембра 1619 забитый, и однята му была голова.^[1]

См. тыж

• Кошицкы мученици
• Марко Крижевскый
• Штефан Понграц

Жерела и одказы

• Podręczna Encyklopedia Kościelna (opracowana pod kierunkiem ks: ks Stan. Galla, Jana Niedzielskiego, Henr. Przczdzłeckiego, Ant. Szlagowskiego, Ant. Tauera i redaktora ks Zygm. Chelmlcklego). Tt. 13-14. Wydawnictwo biblioteki dzieł chrześcijańskich. Warszawa, 1907. Cc. 351–353.
• Diós, István. SZENT MÁRK, ISTVÁN és MENYHÉRT KASSAI VÉRTANÚK //A szentek élete (по мадярскы). Katolikus.hu. https://archiv.katolikus.hu/szentek/0907.html. [перевірено 2019-09-04].
• Menyhért, Grodecz, Szt, Grodzieczki, SJ (по мадярскы). Magyar Katolikus Lexikon. http://lexikon.katolikus.hu/M/Menyhért.html. [перевірено 2019-09-08].