Область (Україна)
From Wikipedia, the free encyclopedia
Remove ads
О́бласть — адміністратівна єдиніця Україны. Україна подїлена на 24 адміністратівны области (укр. область).[1] Україна є унітарный штат, в дослїдку чого области мають лем тоты компетенції, котры їм признав україньскый устав.[2] Непозераючі на то, же Україна є унітарный і недїлимый штат, єствують сполоченьскы і політічны роздїлы меджі северныма і западныма і южныма і выходныма частями країны. Повод того внуторного роздїлїня країны повязане з тым, же западны области были припоєны к Україньской совєтьской соціалістічной републікы на основі пакту Ріббентропа-Молотова в роках 1939–1940, причім передтым были частёв Румуньска і Польска — Северна Буковина і выходне Польско. Підкарпатьска Русь, котра была частёв Чехословакії в роках 1918–1939 і Мадярьска в роках 1939–1944 была к СССР офіціално припоєна в 1946. роцї як Закарпатьска область. Остаток Україны тогды быв частёв Совєтьской Росії і СССР од 1919. року і перед 1. світовов войнов быв частёв Російской імперії од 18. стороча і такым чіном підлїгав русіфікації і російского впливу. Особитов главов Крымского полоострова, котрый є обываный переважно Росіянами і частёв Україны ся став в роцї 1955. Дослїдкы такого бурливого розвою Україны можна задати ай днесь, кедь можна слїдовати великый розкол обывательства подля ґеоґрафічной пологы.
_-_cs_-_colored.svg)
Теріторія Україны ся дїлить на найвысшы уровни (27 субєктів): на 1 автономну републіку (Крым), 24 области і 2 міста зо шпеціалным статусом (м. Кієв і Севастополь). Севастополь лежачій на Крымі не є частёв Автономной републікы Крым.
Автономна републіка Крым і місто Севастополь суть од року 2014 предметом російской анексії і Україна не має над тыма реґіонами жадну контролу. Україна ани векшына світа їх то непризнає, также де-юре оставать тоты єдиніцї частёв Україны. Четыри области Україны переважно окупованы Росіёв (Донецька, Луганьска, Херсоньска і Запорізька области) ся концём септембра 2022 стали частёв Російской федерації на основі незаконных референдумів о припоєню к Росії. Выслїдкы референдумів і їх вывой были меджінародне спохыбненї і векшына штатів ОСН їх непризнала.[3] Окрем Луганьской области Росія не має повного контролу над теріторіями жадной з тых областей.
Remove ads
Список областей
Найвекшым подля розлогов областю є Одеська область — 33310 км², а найменшым є Чернівецька область — 8097 км².
Remove ads
Колишнї области
- Дрогобичска область
- Ізмаїльска область
- Крымска область
Референції
Поз. тыж
Wikiwand - on
Seamless Wikipedia browsing. On steroids.
Remove ads