Стебльовка

Стебльовка, до року 1947— Салдобош, мад. Szaldobos — село в Хустском районѣ Закарпатской области, центер сельской рады. Через село проходить автодорога Ужгород – Хуст – Ясѣня, и желѣзнична линия Батьово – Солотвино, заставка Стебльовка.^[1]

Село Украины Стебльовка Стеблівка укр. Застава Герб Давны назвы Салдобош, до 1947 Еврорегион КарпатыКарпаты Область ЗакарпатскаЗакарпатска Район Хустскый Сельска рада Стебльовска Координаты 48.090556, 23.42166748°05′26″ с. ш. 23°25′18″ в. д.48.090556° с. ш. 23.421667° в. д. (G) (O) (Я) Надморска вышка 198 м Обывательство 2231 особа (2001) Часова зона UTC+2, влѣтѣ UTC+3 Телефонный код +380 31 42 Поштовый индекс 90451 КОАТУУ 2125387801 Официалный сайт многоязычный

Церковь Роздва Богородицѣ (остаткы зруба под окрытьом, в позадю нова мурована, 1998)

Полога

Лежить о 16 км на юговосток од районного центра Хуст, на правому березѣ рѣчки Тисы.^[2]

Сельска рада укр.^[3]

СТЕБЛІВСЬКА СІЛЬСЬКА РАДА

Хустський район, Закарпатська область

вул. Салдобошська, 155, с.Стеблівка, 90451, тел.: [phone]

Сельской радѣ подряджене село Крайниково.^[2]

История

Перва упоминка о селѣ походить з року 1389,^[2] (Zaldobos), назва села утворена од мадярского диалектного száldob “липа”, село зачаточно было мадярске, але по часѣ обрусинило ся; украинска назва Стеблівка спродукована методом «народной етимологии» од szál “стебло”.^[4]

В року 1930 в Салдобошу жили 1898 особ, з того Русины — 1749, Евреи — 97, Мадяре — 28, Чехы и Словаци — 8, Нѣмцѣ — 1, чужоземцѣ — 15. Была русинска школа (6 клас).^[5]

Украинска доба села зачала ся 23. октобра 1944 з приходом 17. гардового корпуса Червеной армады. За тот час была збудована середня школа, 500 новых будинкох, заасфалтованы улицѣ.^[2]

Днешность

29. августа 1994 згорѣла найстарша архитектурна памятка — готична деревяна церковь Роздва Богородицѣ з року 1634. В селѣ е повна середня школа (232 ученикы в року 2010), школка, дом културы, амбуланта. Закрыли ся, фунговавшы в добѣ УССР, филиалка Хустской обувной фабрикы, дом служб, одежный цех. 8. юла 2011 сельска рада затвердила заставу и герб села.^[3]

Вызнамны особы села

• Августин Йенковскый (1833–1923), священик, вынаходник, меценаш.^[2]

Интересны факты

В селѣ е буволяча фарма, де окрем найвекшого в Украинѣ стада буволох держать еще иншы заникаючы виды.^[6][7]

Жерела и одказы

• Sebestyén Zsolt: Máramaros megye helységneveinek etimológiai szótára. Bessenyei könyvkiadó. Nyíregyháza, 2012. ISBN 978-615-5097-53-9
• Достал, Ярослав. Підкарпатська Русь (Закарпаття періоду Чехословацької республіки: 1919–1938). Ужгород, «Карпати», 2014. ISBN 978-966-671-374-5
• Заставка Стебльовка (по русскы). railwayz.info. https://railwayz.info/photolines/station/2302. [перевірено 2019-07-17].
• Мішель, найкращий друг буйволів (по украинскы). Ukraїner. https://ukrainer.net/mishel-bujvoly/. [перевірено 2019-07-17].
• Тронько П. и др. (ред.) Історія міст і сіл України. Том 7. Закарпатська область. К. 1969.
• Стебльовска сельска рада (по украинскы). http://steblivka.rada.org.ua. [перевірено 2019-07-16].
• Ферма буйволів, Стеблівка (по украинскы). https://ua.igotoworld.com/ua/poi_object/181832_ferma-buyvolov-steblivka.htm. [перевірено 2019-07-17].