Франтїшек Крайняк
From Wikipedia, the free encyclopedia
Remove ads
Франтїшек Крайняк (4. януара 1956 , Пряшів–Соливар) — ґрекокатолицькый священик, тлумач (перекладатель), публіціста і културный дїятель русиньского середовиска на Словакії.
Прасыновець благословеного єпіскопа Павла Петра Ґойдіча.
Remove ads
Біоґрафія
Народив ся отець Франтішек Крайняк 4. януара 1956 року в Пряшові–Соливарї. По закінчіню середнёй школы в Пряшові штудовав в рр. 1976–1981 на Римокатолицькій кіріло-методїйскій богословскій факулты Універзіты Коменьского в Братїславі, кедьже в тім часї Ґрекокатолицька церьков в Чехословакії не мала властной семінарії і богословы зо Словакії в державов контролёваній множества могли штудовати лем на факултї в Братїславі. У 1981 роцї быв высвяченый на священика і короткый час служыв на парафії в Рокитові коло Гуменнного. Од 1985 року веце як дві десятьлітя служыв на парафії в Меджілабірцях. Про свій бой проти словакізації Русинів і про заховаваня русиньской пасторачной практікы быв переложеный з міста Меджілабірцї до одлеглого села Камюнка. У 1999 роцї здобыв тітул ліценціата теолоґії. Остатнї рокы є парохом в русиньскім селі Камюнка, старолюбовняньского окресу.
У 1983 роцї отець Крайняк сформовав ґрупу священиків і віруючіх, котра собі дала задачу протлумачіти реліґійны і богослужебны тексты із церьковнославяньского языка на язык русиньскый. До русиньского языка переклав промінливы части святой літурґії.
Протлумачил на язык русиньский:
- «Малый ґрекокатолицькый катехізм про русиньскы діти», 1992.
- «Євангелія на неділі і свята цілого року», 1999.
- «Євангеліє од св. Йоана», 2003.
Remove ads
Література
- Ivan Pop. Podkarpatská Rus - osobnosti její historie, vědy a kultury — Прага: Libri, 2008. — 1200 екз. — ISBN 978-80-7277-370-1.
Жерела и доказы
- П. Медвідь. Отець Франтішек Крайняк дожывать ся 60 років
Wikiwand - on
Seamless Wikipedia browsing. On steroids.
Remove ads