Яромир Горжец

From Wikipedia, the free encyclopedia

Remove ads

Яромир Горжец, чеш. Jaromír Hořec, *18. децембер 1921, Хуст, Подкарпатска Русь – †22. новембер 2009,[2] Прага, родж. Halbhuber,[3] быв чешскый поет, писатель, новинарь и публициста и педагог.

Коротка інформація Яромир Горжец, Уроджѣня ...
Remove ads

Живот и творба

Походжѣня и штудии
Походив з родины лѣсника. Абсолвовав реалну гимназию в Празѣ (1932–1940) и приправный курз торговелной академии (1941). За нѣмецкой окупации быв участником илегалного молодежного руху. В року 1945 быв едным зо закладательох денника Mladá fronta и до року 1950 его шефредактором ай выдавательскым директором. В роках 1950–1953 редактор выдавательства Mír, В роках 1953–1965 шефредактор часопису Hlas revoluce и редактор выдавательства Naše vojsko. Выштудовав фах чешского языка и литературы на Карловой универзитѣ (1954), од року 1965 асистент факулты освѣты и новинарства, в року 1967 з роботов Příspěvek k rozboru tzv. legionářské literatury зыскав ступень PhDr.; в року 1969 з роботов K počátkům české knihy — ступень CSc. (кандидат наук). Быв редактором периодичной едиции Magnet (1965–1970 a 1990–1992) Министерства народной обороны.[3]
Конфликт з режимом
Опубликовав велике число зберок властной поезии, литературознательскы роботы. Окрем того писав тексты спѣванок, выступав з роботами о музицѣ ай историчнов публицистиков.[3] Его модерна поезия была оцѣнена як грозна про комунистичный режим Чехословакии. Горжец привѣтав Пражску ярь, а по придушуючой збройной инвазии быв директором илегалного выдавательства Česká expedice (1969–1989).[4] В року 1969 быв за то выказаный з КПЧ и збавленый роботы на универзитѣ, в року 1970 одышов на инвалидску пензию. В року 1981 быв засудженый и шѣсть мѣсяци сидѣв в арештѣ за «подкопованя републикы и ширѣня илегалной литературы». По падѣ комунистичного режиму свое илегалне выдавательство Česká expedice перемѣнив на приватне выдавательство, а в року 1991 достав назад роботу доцента факулты сполоченскых наук на Карловой универзитѣ.[3]
Чинность про Подкарпатя и Русинох
Горжец не забывав, же походить з Подкарпатской Руси. Видячи негативне одношѣня новой независимой Украины ку Русинам, створив и став у чолѣ чешского Общества приятельох Подкарпатской Руси (Společnost přátel Podkarpatské Rusi), помогав створити его печатный орган, быв членом Свѣтовой рады Свѣтового конгреса Русинох (1997–2001). Быв закладаючым редактором двох едиций брожур: Edice Podkarpatská Rus (од року 1992, 21 выпуск), котра переважно указуе историю и днешный статус региона, и Vrchovina (од року 1997, 3 выпускы), котра приносить невеликы белетрийны дѣла чешскых авторох, звязаны з русинскыма темами (меджи нима была и Горжецова зберька поезий Chléb na stole, 1998). Быв тыж редактором зберькы историчных документох о прилучѣню Подкарпатской Руси ку Чехословакии по Первой свѣтовой войнѣ: Dokumenty o Podkarpatské Rusi, 1997.[4] Его властны публикации, дотычны истории Подкарпатской Руси (як в тых едициях, так и поза нима), обсягують:[5]
  • Nedělitelná svoboda — Podkarpatská Rus, Praha, 1992;
  • Podkarpatská Rus — země neznámá, Praha, 1993;
  • Podkarpatská Rus včera a dnes, Praha, 1994;
  • Minulost a současnost Podkarpatské Rusi, Praha, 1994;
  • Země nadéje, Praha, 1995;
  • První kroky svobody, Praha, 1999.
Remove ads

Интересны факты

  • Во своей скоршой поезии Яромир Горжец быв под вплывом Владимира Маяковского.[3]
  • Мав вецеро псевдонимох, але их поуживав переважно в илегалных выданях.[6]
  • Призвиско Hořec прибрав на память о Подкарпатской Руси, по Мюнхенском диктатѣ, коли родина вымушено вернула ся з Хуста до Прагы, hořec — чешска назва цвѣтка роду Gentiana жовтой або фиаловой фарбы, што росте в Карпатах.[6][7]

Жерела и одказы

Референции

Loading related searches...

Wikiwand - on

Seamless Wikipedia browsing. On steroids.

Remove ads
Remove ads