Александер Суворов
From Wikipedia, the free encyclopedia
Remove ads
Александер Суворов, рос. Алекса́ндр Васи́льевич Суво́ров, *24. новембер (13. Юл. кал.) 1729, Москва[1] – †18. май (6. Юл. кал.) 1800, Санкт-Петербург — российскый войвода, генералиссимус (1799), гроф Рымникскый и Священной римской империи (1789), князь Италийскый (1799).[2]
Remove ads
Походжѣня и зачаток карьеры
Походив з родины высшого офицера, бывшого ординанца Петра Великого, котрый мав дома богату военску библиотеку и учив сына военску науку. Хоть быв дѣтвак слабого здоровля, на його жаданя записав го отець в року 1742 простым солдатом в придворный Семеновскый полк. Так мав можность добрѣ спознати службу российского солдата и його психологию, што ся му барз придало в далшой военской карьерѣ. Суворов зачав чинну военску службу в шаржи десятника (1748). В року 1754 быв повышеный на поручника.[3][4]
В ходѣ Сѣмрочной войны (1756–1763) заслужив ся при взятю прусского Колберга и быв повышеный на полковника (1762).[2] Служив велительом Астраханского полку, а од року 1863 Суздальского.[5]
Remove ads
Далша военска карьера
- 1769–70 придушовав Барску конфедерацию ай козацко-гайдамацке повстаня в Правобережной Украинѣ, за то аванжованый на генералмайора.[5][4]
- 1768–1774 велив 18-тысячному корпусу российского войска, якый розбив 40-тысячну турецку армаду в первой российско-турецкой войнѣ; зато достав шаржу генералпоручника.[5][3]
- 1774–1785 на Крымѣ и на Кубани придушовав бунты и депортовав бунтовникох, змоцньовав фортификации про оборону перед Турками.[5][4]
- 1786 в шаржи генераланшефа велив дивизии Катеринославского войска (юг и выход Украины).[5]
- 1787–1791 в другой российско-турецкой войнѣ выграв важны биткы (Кинбурн, Очаков, Фокшаны, Рымник, Измаил); за побѣду при Румнику достав титулу грофа Рымникского од Катарины II. и грофа Священной римской империи од цѣсаря Йозефа II.[2][4]
- 1794 посланый придушити Косцюшково повстаня в Польщи, за успѣшне докончѣня той кампании достав шаржу генералфелдмаршала.[2][3][4]
- 1797 достав обшит и быв высланый на бываня до свого маетку, практично под домашный арешт. Причинов было неприятя прусскых порядкох во войску, котры жадав новый император Павел I.[2][3]
- 1799 на жадость военных споенцьох в антифранцузской коалиции, Англии и Франции, император Павел I. скасовав обшит и высланя, аванжовав Суворова на генералиссимуса и послав го, жебы на челѣ войск коалиции ослободив Италию од Французох. Суворов ослободив Италию скорше, неж ю завойовав Наполеон, а достав од императора титулу князя Италийского. Наступно быв посланый до Швайцу на помочь тамошному российскому войску генерала Корсакова и перейшов Алпы, але на тот час войско Корсакова уже было поражене, а 22-тысячне войско Суворова трафило до обключѣня 80 тысячами французского войска. Але Суворову удало ся з бойом не лем выйти з обключѣня, а ещи ай вывести 1400 заятых Французох. Тота италско-швайцарска выправа стару славу Суворова ещи звекшила. Але и дале зоставав в немилости у императора Павла I. и быв одволаный ай зоз войском дому.[4][3]
Remove ads
Конець живота
В дорозѣ дому, на котру нерадый мусѣв пристати, Суворов ся похворѣв, а немилость императора його немочь лем згоршовала. В Санкт-Петербургу ся ладили на его честь ославы, але, прикованый ку постели, мусѣв перервати дорогу и спочивати во своем литовском маетку. Неодовго по тому, як прибыв до главного города, умер. Вшиток Санкт-Петербург го проводжав до гробу, на котром быв лаконичный надпис «Ту лежить Суворов».[4] Погребеный в Александро-Невской лаврѣ.[2]
Интересны факты
- Немешскый род Суворовых быв походжѣньом зоз Швеции.[5][4]
- Тарас Шевченко намальовав портрет генералиссимуса Суворова про книгу российского историка М. Полевого "Двенадцать русских полководцев" (СПб., 1845) и тыж зобразив войводу на 32 илустрациях в книзѣ того ж автора "История князя Италийского, графа Суворова Рымникского, генералиссимуса российских войск" (СПб., 1842).[5]
- Суворов быв носитель вшиткых можных российских орденох свого часу[6], а тыж семох чужоземных[7][8][9].
- За свою 50-рочну карьеру войскового велителя дав 60 битв, а не програв ани едну.[10][11]
Remove ads
Жерела и одказы
- Papáček Pavel. Suvorov, Aleksandr Vasiljevič. // Ottův slovník naučný. Dvacátýčtvrtý díl. Praha,1906: J. Otto. Ss. 406–407. чеш.
- Золотарёв В. А.. СУВОРОВ. // Большая российская энциклопедия. Том 31. Москва, 2016. стр. 370–371. https://old.bigenc.ru/military_science/text/4171216. русс.
- Чухліб Т. В.. СУВОРОВ Олександр Васильович. // ЕНЦИКЛОПЕДІЯ ІСТОРІЇ УКРАЇНИ [Електронний ресурс]. Т. 9 (Прил–С). Київ, 2012: Інститут історії України НАН України. Сс. 881–882. ISBN 978-966-00-1290-5. http://www.history.org.ua/?termin=Suvorov_O. [перевірено 09.05.2023]. укр.
- Шикман А. П.. СУВОРОВ. // Деятели отечественной истории. Биографический словарь-справочник. Т. 2 (Л–Я). Москва, 1997: АСТ-ЛТД. Сс. 302–305. ISBN 5-15-000089-2. русс.
Remove ads
Референції
Wikiwand - on
Seamless Wikipedia browsing. On steroids.
Remove ads