Воловецкый район

Воловецкый район, укр. Воловецький район — административный район в сѣверной части Закарпатской области, створеный в року 1946.^[2] В року 2020 ликвидованый и прилученый ку Мукачовскому.

Закарпатска область, Украина

Воловецкый район
Воловецький район укр.
Герб района
Держава	Україна
Подрядность	Закарпатьска область
Заложѣня	1946
Розлога	544 км2
Обывательство	24 268[1]
Центер	Воловець 48°43′27″N 23°12′00″E
Зложѣня	2 мѣстечка, 24 села
Язык	украинскый
Голова район. администрации	Попелич Михайло Андрійович
Интернет-сайт	РДА укр.
Воловецкый район на Викискладѣ GeoNames:689104; Ту можуть быти податкы з Wikidata, не контролованы авторами статѣ

Локачна мапа Воловецкого района

Землеписна полога и характеристика района

Воловецкый район ограниченый на сѣверѣ Вододѣлным хребтом и на югу Полонинскым хребтом. В районѣ мають выток рѣкы базена Дуная: Латориця з притоками Вича и Жденьовка. Лѣсы занимають 273 км², переважны файты суть бук (70%) и смерека (24%); меджи храненыма териториями найвызнамнѣйшым е лѣсовый резерват Россошный.^[2]

Вшиткы населены локалиты района мають официалный статус «горскый населеный пункт» (2013).^[3]

История района

До року 1904 належав ку жупѣ Берег в Свалявском округу (Szolyvai járás), од року 1904 — як окремый Нижньоверецкый округ (Alsóvereckei járás). В року 1914 ту были тяжкы бои з российскым войском.^[4]

В року 1928 чехословацка администрация ликвидовала окремый Нижньоверецкый округ и в штатистицѣ року 1930 фигуруе в Свалявском округу.^[5] Окремый Нижньоверецкый округ (Alsóvereckei járás) быв обновленый мадярсков администрациев в року 1941.

В роках 1939–1940, коли Червена армада пришла ку границям Подкарпатской Руси, з Воловецкого района 270 особ нелегално утѣкли до СССР и трафили до ГУЛагу, 190 з них пережили и вернули ся в Чехословацком армадном корпусѣ ген. Свободы. В року 1946 Нижньоверецкый округ перетвореный на Воловецкый округ, а в року 1953 достав назву Воловецкый район.^[6]

Жерела и одказы

• Révai nagy lexikona. 1-21. köt. Révai Testvérek Irodalmi Intézet Részvénytársaság, Budapest. 1911–1935.
• Достал, Ярослав. Підкарпатська Русь (Закарпаття періоду Чехословацької республіки: 1919–1938). Ужгород, «Карпати», 2014. ISBN 978-966-671-374-5
• Ковальчук І.П., Ровенчак І.І.: Воловецький район. //Географічна енциклопедія України: В 3-х т. Редкол.: О. М. Маринич (відп. ред.) та ін.— К. «Українська енциклопедія» ім. М. П. Бажана, 1989—1993. ISBN 5-88500—015—8 Т. 1: А—Ж.— 416 с: ISBN 5-88500—005—0 С. 217.
• Тронько П. и др. (ред.) Історія міст і сіл України. Том 7. Закарпатська область. К. 1969.