Иван Туряниця (комунистичный дѣяч)
From Wikipedia, the free encyclopedia
Remove ads
Ива́н Ива́нович Туряни́ця, укр. Іва́н Іва́нович Туряни́ця; *25. май 1901, Ряпидь, Жупа Берег, Мадярске кральовство (днесь Быстриця, Мукачовскый район Закарпатской области Украины) – †27. марец 1955, Ужгород, Украинска ССР — совѣтскый партийный и штатный дѣятель; первый секретарь Комунистичной партии Закарпатской Украины (днесь Закарпатска область Украины).[2][3][4]
Remove ads
Биография
Походжѣня
Походив з родины желѣзничаря.[3] Учив ся в народной школѣ, пак зачавши од 14 рокы быв майстерчуком у замочника, роботником на фиресѣ, коминарьом, ковачиком. В року 1917 мобилизованый до австро-мадярского войска, де служив вояком до конця войны. По войнѣ — коминарь в Мукачовѣ.[5][4]
В медживойню
В року 1919 (Мадярска Людова Република (1918-1919), Мадярска Совѣтска Република) — вояк Руськой дивизии Мадярской Червеной армады. За тото по поражцѣ мадярской револуции и приходѣ Чехох быв арештованый и вышорованый до концентраку в Пряшов. Выпущеный в децембрѣ того ж року, працовав яко роботник на ставбах и коминарь. В октобрѣ року 1924 поволаный до чешского войска, демобилизованый в року 1925 и того ж року вступив до Комунистичной партии Чехословакии, од року 1926 — член окружного комитету КПЧ и предсѣдник роботницкого здружѣня мукачовскых ставбарьох. В роках 1928–1929 секретарь мукачовского комитету КПЧ.[4][2][5] В року 1929 ещи раз трафив до арешту. В фебруарѣ 1930 став на челѣ ужгородского окружного комитету КПЧ. Од партии быв посланый до СССР, де яко партийный функционер достав выуку в Харьковском комунистичном инштитутѣ журналистикы (1930–1933). В роках 1933–1939 быв секретарьом Подкарпатской крайовой рады Червеных професийных здружѣнь, организатором штрайкох и протестох, в року 1936 знова перебывав в арештѣ.[6][2]
На емиграции
В марцу 1939, у переддень мадярской окупации края, через Румынию емигровав до СССР, де достав статус политичного емигранта, членство в Меджинародной организации помочи бойовникам револуции (МОПР) и быв на лѣченю в санаторию ЦК МОПР в селѣ Опалиха Московской области (1939–1940).[5] В роках 1940–1941 быв плановач-економиста на локомотивной фабрицѣ имени Октобровой Револуции во Ворошиловградѣ, в роках 1941–1943 на росполаганю Народного комисариата обороны СССР.[2] В року 1943 представляв Подкарпатску Русь во Всеславянском антифашистичном комитетѣ в Москвѣ и быв членом Рады той организации.[3] В роках 1943–1944 комисарь (офицер политичной едукации) Третьой окремой бригады Чехословацкого армадного корпуса, участник Дуклянской операции.[5]
Закладательом Закарпатской Украины
В октобрѣ 1944, подля догварькы совѣтсых верхностей з генералом Лудвиком Свободом, велительом Чехословацкого армадного корпуса, Иван Туряниця быв одрядженый за члена Чехословацкой администрации Подкарпатской Руси, котрой шефом быв Франтишек Ньемец.[6]
Гроб И. Туряницѣ на теметовѣ Калвария
И. Туряниця спочатку подтримовав идею належности Подкарпатской Руси ку обновленой Чехословакии, але неодовго зачав пропаговати «возъединѣня» зоз Совѣтсков Украинов.[3]
31. октобра 1944 Туряниця организовав первы легалны за вельо рокы зборы комунистох Мукачова и створив-обновив на них городску партийну организацию, котрой став на челѣ. За немногы дны скликав І. конференцию Комунистичной партии Закарпатской Украины, котра ся одбыла 19. новембра, и быв выбраный за первого секретаря партии. 26. новембра 1944 выступив на І. зъѣздѣ Народных комитетох Закарпатской Украины з головным рапортом, в котром обгрунтовав доцѣльность и необходность приеднаня ку УССР. Став на челѣ выбраной на зъѣздѣ Народной Рады Закарпатской Украины. До 27. януара 1948 быв на челѣ Закарпатского обкома КП(б)У.[4]
На том найвысшом урядѣ, подля совѣтской политикы, не мог быти незмѣнный,[6] але и надале повнив вельо важных функций в штатном и партийном апаратѣ: посланець Найвысшой Рады СССР (1946) и УССР (1947), член ЦК КПУ (1946–1954), голова Закарпатской рады людовых посланцьох (1946–1948) и др. За заслугы у приеднаню Подкарпатской Руси ку СССР быв погребеный в Ужгородѣ на «Грунку Славы» теметова Калвария, мемориалном погребищу совѣтскых воякох, котры упали в бою за выслободжѣня краю в року 1944.[3]
Remove ads
Жерела и одказы
- Ivan Pop. Turianytsia, Ivan I. in Paul Robert Magocsi, Ivan Pop. //Encyclopedia of Rusyn History and Culture (Revised and expanded ed.). Toronto Buffalo London: University of Toronto Press, 2005. pp. 502–503. doi:10.3138/9781442674431. ISBN 0-8020-3566-3.англ.
- Довганич О. Д.: Туряниця Іван Іванович // Енциклопедія Закарпаття. Визначні особи ХХ століття. Закарпатський осередок НТШ. Під наук. ред. Довганича О. Д. — Ужгород: «Гражда», 2007 — 400 c. ISBN 978-966-8924-33-0 укр., с. 331
- Маґочій, Павло-Роберт. Підкарпатська Русь: формування національної самосвідомості (1848–1948) — Друге перероблене і доповнене видання. Ужгород: Видавництво Валерія Падяка, 2021. ISBN 978-966-387-127-1.укр.
- Сергій Федака. Голови облвиконкому та обласної ради Закарпаття (PDF). // Закарпаття / Хто є хто. Київ: УКРАЇНСЬКА АКАДЕМІЯ ГЕРАЛЬДИКИ, ТОВАРНОГО ЗНАКУ ТА ЛОГОТИПУ, 2007. Стор. 9. http://who-is-who.ua/makets/zakautent/info/zakarpattya3.pdf. [перевірено 2023-01-16].укр.
- Справочник по истории Коммунистической партии и Советского Союза 1898–1991русс.
Remove ads
Референции
Wikiwand - on
Seamless Wikipedia browsing. On steroids.
Remove ads