Рудолф Ерих Распе

Рудолф Ерих Распе (нїм. Rudolf Erich Raspe; *28. марец 1736,^[1] земля Ганновер, днесь Нижня Саксония) — † 16. новембер 1794, Макросс при Килларни, грофство Керри, Ирландия) — ученый, библиотекарь, писатель, автор книгы о пригодах барона Мюнхаузена.

Рудолф Ерих Распе Рудольф, Еріх • Распе
Rudolf Erich Raspe
Чинность	куратор, геолог, хімік, языкознавець, перекладатель, бібліотекар, писатель, викладач університету, историк умѣня
Горожанство	Священна римска імперія
Уроджѣня	марца 28., 1736(1736-03-28)[1] Ганновер, Нижня Саксония
Упокоеня	новембра 15., 1794 (58 р.) Макросс, Ирландия
Причина смерти	тифус
Праца	Collegium Carolinum
Брат, сестра	Dorothea Frederike Wiedemann
Язык творов	Нїмецькый
Рудолф Ерих Распе на Викискладѣ VIAF:95156657; GND:118787888; LCCN:n83041816; FAST:110556; BNF:11921187p; NLKR/NLC:mzk2009511722; OL:OL1966930A; Dictionary of National Biography (1885–1900), Вірменська радянська енциклопедія, Энциклопедический словарь Брокгауза и Ефрона, Encyclopædia Britannica, 11th edition, Obalky knih.cz, Iedereen Leest, Коротка літературна енциклопедія, Бібліотека найкращої світової літератури, Лексикон детской литературы Ту можуть быти податкы з Wikidata, не контролованы авторами статѣ

Биография и творба

Дома

Учив ся на универзитах в Геттингену и Лайпцигу природны наукы и филологию. Публиковав статьи на темы археологии, геологии, минералогии и литературы. В року 1764 выдав латинскоязычны роботы Готтфрида Вилгелма Лайбница В року 1766 появив свой роман Гермин и Гунилда, еден з первых рыцарскых романох. Быв первый в Германии, кто представив литературному сполоченству Поемы Оссиана. В року 1767 став ся професором Карловой универзиты а заразом хранительом антикварной и нумизматичной колекции в Касселу, котра была властностьов мѣстного ландгрофа.^[2][3][4]

В року 1769 зыскав членство в Геттингенской академии наук и Лондонском кральовском обществѣ. Але в року 1775, коли обокрав колекцию грофа и перед арештом утѣк до Лондона, быв з общества 7. децембра 1775 за швинглерство выгнаный.^[5]

На утѣку

В роках 1781 – 1783 по нѣмецкы вышли первы истории барона Мюнхаузена, Vademecum für lustige Leute (Порадник про веселу челядь), котры Распе опрацовав и в року 1785 анонимно выдав в Лондонѣ под титулом Baron Munchausen’s Narrative of His Marvellous Travels and Campaigns in Russia (Росповѣдь барона Мюнхаузена о його чудесных путованях и пригодах в России). Зыскавшу успѣх анонимну книжку уже в року 1786, а пак зась в року 1788 выдав по нѣмецкы в значно доповненом обсягу Готтфрид Август Бюргер, и якраз тот вариант став ся частьов свѣтовой литературы. Реалне авторство первого варианта одкрыв аж в року 1847 Гайнрих Деринг (Heinrich Döring) в його биографии Бюргера. Тымчасом Распе замѣшав ся до далшых швынгльох з горництвом в Шкоции и в року 1791 утѣк до Ирландии, де о три рокы умер.^[5][6]

Жерела и одказы

• Ottův slovník naučný. Illustrovaná encyklopaedie obecných vědomostí. Díl 21. Vyd. J. Otto. V Praze, 1904. чеш. Str. 303.
• Макаров А.: Распе, Рудольф Еріх //Зарубіжні письменники. Енциклопедичний словник. Ред. Михальська Н., Щавурський Б. — Тернопіль: Богдан, 2006 ISBN 966-692-744-6 укр. Сс. 406–408.
• Распе, Рудольф-Эрих // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907. русс. Одчитане 2020-05-22
• Rudolf Erich Raspe. Encyclopædia Britannica, inc.. January 01, 2020. https://www.britannica.com/biography/Rudolf-Erich-Raspe.англ.
• Распе Рудольф Эрих. ModernLib.Net. https://modernlib.net/books/raspe_rudolf_erih/. [перевірено 2020-05-22]. русс.