Протестантство, або протестантизм — еден з главных конарьох христианства, загорнюючых до себе групу независимых Церков, котры вышли з реформных набоженскых рухох антикатолицкого характера, взниклых в 16. сторочу в Европѣ.
.svg)
История
Импулзом ку зачатку Реформации стало ся побурѣня части вѣруючых и духовенства розмножившими ся знеужитями католицкого клера. Так, познатый выступ Лутера против продажу одпусток (1517) завершив ся формулованьом его реформаторскых поглядох в «Девятьдесять пятьох тезах», а за тым и его разрывом с Римом. Дефинитивне витязство идей Реформации настало в добѣ религийных войн 16.-17. стороч.[1]
По Вестфалском миру (1648) протестантство доповнило ся еще иншыма христианскыма реформныма напрямами. Протестанты тыж ся означують як евангелици, понеже еден з их главных принципох, платных про вшиткы конарѣ протестантства — Sola Scriptura (лем Святе Писмо) — вызнаня Святого Писма единым авторитетом про Церковь, не обтяженым Церковным або Папскым посередництвом и учительством. Тот принцип привюг протестантох ку опорѣ на оригиналный текст, непринятю неточного латинского текста Вулгаты и зготовлѣню перекладох Библии на народностны языкы, што тыж обясняли они потребов зробити Святе Писмо людово приступным, и што вызначно стимуловало розвитя книгопечатаня. В протестантствѣ каждый вѣрник мать право на самостойне читаня и толкованя Святого Писма, што недопустимо в католицизмѣ и православии.[1]
Жерела и одказы
- Энциклопедия религий / Под ред. А.П. Забияко, А.Н. Красникова, Е.С. Элбакян. — М.: Академический Проект (ISBN 978-5-8291-1084-0), Гаудеамус (ISBN 978-5-98426-067-1), 2008. — 1520 с.
Референции
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
