Lingua franca nova

Lingua Franca Nova (abbriviata 'n LFN e canusciuta culloquialmenti comu Elefen^[2]) è na lingua artificiali ausiliaria criata urigginariamenti di Cornelis George Boeree di l'Univirsitati di Shippensburg, Pennsylvania,^[3] e succissivamenti raffinata di tanti dî sò utenti. Lu sò vucabbulariu si basa principarmenti supra li lingui rumanzi, zoè lu francisi, lu talianu, lu portughisi, lu spagnolu e lu catalanu.

Lingua franca nova
Classìfica:	-
Famigghi linguìstichi:	Lingui artificiali   Lingua franca nova
Lingua ufficiali
Paisi:	-
Rigulata di:	Asosia per Lingua Franca Nova (ALFN)[1]
Classificazzioni
ISO 639-3	lfn
Asempiu:	Dichiarazzioni Univirsali di li Diritti di L'Omu Art.1 Tota umanas es naseda como persones libre e egal en dinia e diretos. Los ave razona e consiensa e debe trata lunlotra con la spirito de fratia.

Prisintazzioni

Lingua Franca Nova ("Elefen") è na lingua pruggittata pi èssiri particularmenti sìmprici, cunzistenti e fàcili d'amparari pê cumunicazzioni ntirnazziunali. Havi na para di qualitati pusitivi:

1. Havi nu nùmmaru limitatu di funemi. Sona simili a l'italianu o ô spagnolu.
2. È scrittu foneticamenti. Nuḍḍu picciriddu avissi a passari anni a 'mparari li irregolarità.
3. Havi na grammàtica cumplitamenti rigulari, simili ê crioli dû munnu.
4. Havi nu nzemi limitatu e cumplitamenti rigulari d'affissi pruduttivi pâ dirivazzioni di palori di rutina.
5. Havi règuli ben difinuti pi l'ordini dî palori, 'n cunfurmità cu tanti lingui principali.
6. Lu sò vucabbulàriu è fortimenti radicatu ntê lingui rumanzi muderni. Chisti lingui sunnu iḍḍi stissi diffusi e nfruenti, e macari cuntribbuiru â maggiuranza dû vucabbulàriu ngrisi.
7. È pinzatu pi accittari naturalmenti li neoluggismi tecnici latini e greci, lu "standard munniali" di fattu.
8. È pinzatu pi pàriri rilativamenti “naturali” a chiḍḍi ca canusciunu li lingui rumanzi, senza èssiri cchiù difficili pi l’àutri di ‘mparari.

Speramu ca ti piaci Elefen!