Lingua francisa

Lu francisi è na lingua dû gruppu dî lingui rumanzi dâ famigghia dî lingui indoeuropei. È una dî lingui rumanzi cchiú diffusi, superata sulu dû spagnolu e dû portughisi.

blu: lingua matri;
viola: lingua mministrativa;
russu: lingua curturali;
virdi: minuritati francòfuni.

Lu francisi è l'unnicèsima lingua ntô munnu, parrata di circa 77 miliuna di pirsuni (chiamati francòfuni) comu lingua matri e di circa 128 miliuna di pirsuni comu secunna lingua (1999). È la lingua officiari o di travagghiu nta diversi stati (Svizzira, Belgiu, Québec), cumunitati e amministrazzioni (comu l'Unioni Europea, lu Cumitatu Nternazziunali Olìmpicu, li Nazzioni Uniti).

Alfabbetu

Lu francisi si scrivi chî 26 littri di l'alfabbetu latinu.

Ci sunnu macari la vucali œ (na o siquita di na e) e arcuni segni diacrìtici (spissu accenti) comu: à â ç è é ê ë î ï ô ù û ü. La prununcia nun è facili, cu armenu 32 funemi di cui certi nun hannu currispunnenti n sicilianu.

Dialetti

Mappa dî dialetti francisi

Li dialetti proprî dû francisi sunnu quasi scumparsi (ntra li cchiú famusi, lu picard, lu gaddu (parratu n Bretagna) o lu valloni n Belgiu).

Ma, nta diversi riggiuni francisi, arristaru àutri lingui rumanzi e nun: lu corsu, na lingua itàlica ntâ Corsica, lu brètoni na lingua cèltica, li dialetti tudischi parrati nta l'Alsazzia o la lingua basca. La cchiú estesa (ma n via di sparizzioni) è la Linguadoca (n francisi "Langue d'oc"), ntô miridiuni, parrata macari di Danti.

Storia

N ginirali si riteni ca lu primu testu scriutu n protofrancisi (o rumana lingua o ancùra lingua rumanza) foru li Juramenti di Strasburgu di l'842. La prima minzioni di l'esistenza di na lingua rumanza è di l'813, n occasioni dû synode de Tours. Abbisugna però aspittari li anni 880-881 pû primu testu littirariu, la Séquence de Sainte Eulalie, macari siddu la lingua di stu testu si pò cunsidirari cchiú simili ô picard ca ô francisi. Abbisugna macari arricanùsciri ca la distinzioni ntra lingua e dialettu è n'attivitati stèrili: quinni nun si pò decìdiri obiettivamenti. È ntô 1539 ca l'ordonnance de Villers-Cotterêts imponi lu francisi comu lingua dû dirittu e dâ mministrazzioni.

Lu francisi ntô munnu

Ntâ tabella a manu ritta, li paisi e lu nùmmaru di pirsuni ca pàrranu lu francisi ntô munnu.

Lingua officiali
Paisi	Pirsuni
Francia Rip. Dim. dû Concu Canada Madagascar Costa d'Avoriu Camerun Burchina Fasu Mali Senegal Belgiu Ruanda Aiti Svizzira Burundi Togu Rip. Centrafricana Concu Gabon Comori Gibbuti Lussemburgu Guadalupa Martinica Mauriti Vanuatu Seicelli	60 180 600 55 225 478 32 207 000 16 979 900 16 962 500 15 746 200 13 228 500 11 626 300 10 580 400 10 290 000 7 810 100 7 527 800 7 318 638 6 096 156 5 429 300 3 683 600 2 954 300 1 321 500 632 948 457 130 454 157 442 200 390 200 1 210 500 200 000 80 469

Autri pruggetti

• Wikipedia hava n'edizzioni 'n lingua francisa

Lijami di fora

• Académie Française (Accademia dâ lingua francisi)
• Le Trésor de la Langue Française informatisé (Lu Tisoru dâ Lingua Francisi nfurmatizzatu)