![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/74/Tachelhit.png/640px-Tachelhit.png&w=640&q=50)
Tutlayt Taclḥit
Tutlayt tamaziɣt / From Wikipedia, the free encyclopedia
Taclḥiyt nɣ Taclḥit nɣ Tasusit (s tirra n tifinaɣ: ⵜⴰⵛⵍⵃⵉⵜ, s tirra n tɛrabt: تشلحيت) tga yat tutlayt tamaziɣt iwalan i tayyawt n tutlayin timaziɣin n ugafa. Tettusawal tutlayt ad dar 5 ar 7 id mlyun n imsiwln[2] ɣ iffus n tmazirt n Lmɣrib slawann akkʷ ɣ Sus, Iḥaḥan, Lḥuz n Mṛṛakc d kra n tsggʷin yaḍnin asn d iwalan. Tumẓ tutlayt taclḥit zɣ Taṣṣurt ɣ ugafa ar Agʷlmim ɣ unẓul ar Warzazat ɣ ugmuḍ. Mac ar tt inn nttafa tlla ula ɣ timdinin mqqurnin n Lmɣrib zun d Tigmmi Tumlilt (kaẓa), d Ṛṛbaḍ d Sla. Tg tutlayt ad tutlayt tamaziɣt tamzwarut ɣ wuṭṭun n imssiwln d turrut n udɣar arakal nna tumẓ gr timaziɣin tigafayin.
|
Tkka tt inn tclḥiyt ar tettyura s uskkil aɛrab, ilin sis kigan n warratn iclḥiyn. Ɣ isggʷasn ad ggʷranin issufɣ d usinag agldan n tussna tamaziɣt () anaw amaynu n tifinaɣ ar as tinin ntta ɣila a s tt ttaran willi as ssnin. Macc askkil alatin ad bahra ittusmrasn, slawan akkʷ g wantirnit.
Taclḥiyt kcmn tt tguriwin tiɛṛabin macc tẓḍaṛ ad tg tutlayt tamaziɣt tagafayt g akkʷ drusnt tguriwin turḍilin zɣ tɛṛabt.