Rrno vetëm për me tregue

Rrno vetëm për me tregue është një vepër memuaristike e fratit françeskan Zef Pllumi, fillimisht si një trilogji që u botua në Tiranë nga shtëpia botuese "Hylli i Dritës". Në botimet e para të tri nënndarjeve të veprës në vëllime më vete u titulluan me nëntitujt libri i kujtimeve 1944-1951 i pari botuar më 1995, liria mes dy burgimeve 1950-1967 i dyti i botuar më 1997, dhe robnia e gjatë 1967-1990 i treti i botuar më 2001.

Ballina e ribotimit integral nga sh.b. 55

Botimet e veçuara të trilogjisë u redaktuan nga bashkëpunëtori i atëhershëm i autorit dhe redaktori i revistës Hylli i Dritës, Aurel Plasari, i cili i shkroi edhe parathënien. Me rastin e botimit integral më 2006 nga shtëpia botuese "55", veprës i kushtoi një parathënie Ismail Kadare.

Titulli

Vepra e merr titullin nga një urdhër, e radhitur në vepër, që autori mori nga eprori i tij Marin Sirdani.^[1][2] Urdhër të cilin autori e brendësoi si amanet.^[3]

Përkthime

Trilogjia e memuareve të tij Rrno vetëm për me tregue u përkthyen në gjuhën angleze nga Kathleen Schank dhe u botuan më 2008 me titullin Live to tell,^[4] punim për të cilin qe interesuar që në gjallje të autorit nga miku i tij Petro Zheji.^[5] Më 2013 u botua përkthimi në gjuhën italiane i po kësaj vepre, punuar nga Keda Kaceli me titullin Il Sangue di Abele - Vivi per testimoniare me mbështetjen financiare dhe parathënien nga Silvio Berlusconi.^[6] Ndërsa më 2014 u botua në Lozanë të Zvicrës përkthimi në gjuhën frënge nga Odile Daniel me titullin Vivre pour témoigner - récits du goulag en Albanie.