Televizioni në Kosovë

Televizioni në Kosovë për herë të parë është paraqitur në vitin 1974. Radio Televizioni i Prishtinës ishte transmetuesi i parë shqipfolës në Kosovë, i themeluar në vitin 1974 duke e pasuar Radio Prishtinën (themeluar 1945). Ai u mbyll me forcë në vitin 1990 nga qeveria serbe, duke mos lejuar qarkullimin e informacionit nëpër valët televizive në Kosovë gjatë Luftës së Kosovës. Në kohën e luftës, terri informativ u mbulua nga Radio 21 (nga ekzili përmes radios në internet dhe shërbimit BBC World) dhe Koha Ditore (përmes gazetës dhe webfaqes së vet në gjuhën angleze), teksa televizioni ishte nën zotërimin e Radio Televizionit të Serbisë.

Në vitin 1999, Radio Televizioni i Prishtinës u transformua në Radio Televizionin e Kosovës me shumë ndihmë nga shtetet e huaja dhe Bashkimit Evropian të Transmetuesve (anëtar i të cilit akoma tenton të bëhet).^[1] Përveç RTK-së, fundi i luftës solli themelimin e televizioneve si Kohavision (simotër e Kohës Ditore), RTV21 (duke u zgjeruar nga Radio 21), dhe shumë të tjerë.^[2] Me fillimin e mileniumit, RTK bëri partneritete me kompani të IPTV-së si TVALB për ta zgjeruar mbulimin e vet rreth Europës dhe Amerikës Veriore. Këto mundime u çuan më tutje në 2009 me shërbimin kabllor të RTV21, 21WorldTV, që ofroi shërbime shqiptarëve të diasporës në Shtetet e Bashkuara.^{[nevojitet citimi]} Për shumicën e historisë së Kosovës në televizion, RTK, RTV21, dhe Kohavision kanë qenë transmetuesit më të shikuar.^[3]^:21

Paraqitja e televizionit kabllor përmes furnizuesve të internetit ka rritur me hov kapacitetin e mbulimit televiziv duke filluar në vitet 2010 me kompanitë duke sjellur programe nga Shqipëria dhe shtetet e huaja në Kosovë. Sipas një studimi nga Komisioni i Pavarur i Mediave në vitin 2013, më shumë se gjysma e Kosovës merr sinjalin televiziv përmes shërbimit kabllor.^[3]^:18 Shërbimet më të popullarizuara kabllore në Kosovë janë Artmotion, Kujtesa, TelKos dhe IPKO. Disa prej këtyre të fundit dyfishojnë edhe me programe vetanake (ndonjëherë edhe ekskluzive) televizive, për shembull Klan Kosovën dhe kanalet Art të Artmotionit, kanalet Tëvë të TelKosit, dhe kanalet K Sport të Kujtesës.

Më poshtë është një listë e rrjeteve dhe kanaleve televizive me mbulim kombëtar, rajonal dhe kabllor në Kosovë.

[1]

[2]

[3]

Televizioni në Kosovë

Frekuencat kombëtare

Televizione publike

Televizione private

Frekuencat rajonale

Joaktiv

Kompania 21

Artmotion

Kujtesa

Aktivë

Joaktivë

SuperSport

SPI International

Kanale Tjera

Rrjetet kabllor

Referime

Wikiwand - on