Universiteti i Prishtinës
universitet në Kosovë From Wikipedia, the free encyclopedia
Remove ads
Universiteti i Prishtinës "Hasan Prishtina" (UP) është një universitet publik në Prishtinë, Kosovë. Ky institucion është formuar pas shpërbërjes së Universiteti i Prishtinës (1969–99) si pasojë e Luftës së Kosovës. Ai është universiteti më i madh dhe më i vjetër aktiv në Kosovë.
UP-ja ka 17 fakultete — 14 prej tyre akademike, dhe 3 prej tyre për shkenca të aplikuara.
Universiteti i Prishtinës është anëtar i plotë i Asociacionit të Universiteteve Evropiane.[2]
Remove ads
Historiku
Institucioni i parë i arsimit të lartë në Kosovë ishte Shkolla e Lartë Pedagogjike në Prishtinë (1958). Në fillim kishte këto grupe mësimore: Grupi i Gjuhës dhe i Letërsisë Shqipe, Grupi i Gjuhës dhe i Letërsisë Serbokroate, Grupi i Biologjisë, i Gjeografisë dhe i Kimisë, Grupi i BAT-it dhe i Fizikës, Grupi i Matematikës dhe i Fizikës. Në vitin e parë shkollor 1958/59 u regjistruan 93 studentë të rregullt dhe 55 me korrespondencë. Në vitin shkollor 1961/62 u hap paralelja e SHLP të Prishtinës në Prizren, ku u regjistruan 100 studentë, 48 prej të cilëve ishin shqiptarë. Në vitin 1962 SHLP e Prizrenit bëhet e pavarur. SHLP e Prishtinës themeloi edhe Qendrën për studime me korrespondencë në Novi Pazar, me 50 studentë.
UP u themelua me Ligjin mbi themelimin e Universitetit të Prishtinës, të cilin e miratoi Kuvendi i Krahinës Socialiste të Kosovës më 18 nëntor 1969.[3] Themelimi i Universitetit të Prishtinës ishte një ngjarje historike për popullin e Kosovës dhe sidomos për kombin shqiptar. Kuvendi themelues i Universitetit të Prishtinës u mbajt më 13 shkurt 1970, kurse dy ditë më vonë , më 15 shkurt 1970 u mbajt edhe mbledhja solemne e Kuvendit dhe data e 15 shkurtit u shpall Ditë e Universitetit të Prishtinës. Në përbërje të Universitetit të Prishtinës të posathemeluar ishin këto fakultete me seli në Prishtinë: Fakulteti Filozofik, Fakulteti Juridiko-Ekonomik, Fakulteti Teknik dhe Fakulteti i Mjekësisë. Universiteti i Prishtinës ka 17 fakultete. Shkollat e larta pedagogjike dhe Fakulteti i Mësuesisë janë bartur në Fakultetin e Edukimit.
Remove ads
Fakultetet
Njësitë akademike të universitetit janë:[4]
- Fakulteti Filozofik i UP-së
- Fakulteti i Shkencave Matematike-Natyrore
- Fakulteti i Filologjisë
- Fakulteti Juridik
- Fakulteti Ekonomik
- Fakulteti i Ndërtimtarisë dhe Arkitekturës
- Fakulteti i Inxhinierisë Elektrike dhe Kompjuterike
- Fakulteti i Inxhinierisë Mekanike
- Fakulteti i Mjekësisë
- Fakulteti i Arteve
- Fakulteti i Bujqësisë dhe Veterinarisë
- Fakulteti i Xehetarisë dhe Metalurgjisë
- Fakulteti i Kulturës Fizike
- Fakulteti i Edukimit (Dega Prishtine, Gjakove, Prizren, Gjilan)
- Fakulteti i Shkencave të Aplikuara në Mitrovicë
- Fakulteti i Shkencave të Aplikuara në Ferizaj
- Fakulteti i Gazetarisë
Fakulteti i Filologjisë
Fakulteti i Ndërtimtarisë, Arkitekturës dhe Inxhinierisë
Fakulteti i Mjekësisë (Instituti A)
Fakulteti i Filozofisë
Fakulteti i Shkencave Matematike - Natyrore
Fakulteti Juridik dhe Ekonomik
Kampusi
_front.jpg)
Remove ads
Doctor Honoris Causa[5]
- 1975 - Josip Broz Tito – Jugosllavi (Kryetar i ish-Republikës Socialiste Federative e Jugosllavisë)
- 1976 - Fakhruddin Ali Ahmed – Indi (Kryetar i Republikës së Indisë)
- 1987 - Dragiša Ivanović – Jugosllavi (Profesor i Universitetit të Beogradit)
- 2001 - Michael Weninger – Austri (Ambasador i Austrisë në Beograd)
- 2002 - Bernard Kouchner – Francë ( Kryeadministrator i OKB-së në Kosovë)
- 2003 - William Kerr – SHBA (Kryetar i Kolegjit La Roche)
- 2003 - Bill Clinton – SHBA (President)
- 2003 - Ismail Kadare - Shkrimtar shqiptar
- 2004 - Wolfgang Benedek – Austri (Profesor në Fakultetin Juridik, Grac, Austri)
- 2008 - Bamir Topi – Shqipëri (President i Republikës së Shqipërisë)
- 2009 - Erhard Busek – Austri (Rektor i Universitetit të Shkencave të Aplikuara, Salzburg, Austri)
- 2009 - Sali Berisha – Shqipëri (Kryeministër i Republikës së Shqipërisë)
- 2009 - Albert Rohan – Austri (Ambasador)
- 2010 - Tony Blair – Mbretëria e Bashkuar (Kryeministër)
- 2010 - Doris Pack – Gjermani (Anëtare e Parlamentit Evropian)
- 2010 - Recep Tayyip Erdogan – Turqi ( Kryeministër i Republikës së Turqisë)
- 2011 - Adem Demaçi – Republika e Kosovës (Veprimtar i Çështjes Kombëtare)
- 2012 - Noel Malcolm – Mbretëria e Bashkuar (historian eminent)[6]
Anëtar nderi
- Ali Hadri, akademik
- Dervish Rozhaja, akademik
- Ejup Statovci, ish-rektor i Universitetit të Prishtinës
- Eshref Ademaj, anëtar korrespondent i Akademisë së Shkencave dhe Arteve të Kosovës,
- Fehmi Agani, akademik
- Gazmend Zajmi, akademik
- Ukshin Hoti, anëtar nderi i Universitetit të Prishtinës.[7]
Njerëz të shquar
Anëtarë të fakultetit dhe të diplomuar
- Fehmi Agani, akademik, profesor i sociologjisë, dhe politikan
- Ag Apolloni, profesor i shkencës së letërsisë
- Fahri Beqiri, kompozitor
- Hysen Bytyqi, profesor i shkencës shtazore dhe zëvendësrektor në UP
- Masar Caka, piktor
- Nexhat Daci, ish-kryeparlamentar i Kuvendit të Kosovës, ish-profesor i kimisë
- Fatmir Dalladaku, kardiokirurg që performoi operacionin e parë me zemër të hapur në Kosovë
- Marjan Dema, rektor i UP-së (2016-2020)
- Ukshin Hoti, profesor, filozof dhe aktivist politik
- Hilmi Ibar, profesor i kimisë dhe ish-dekan i pegagogjisë në Universitetin e Trakisë në Edirne
- Atifete Jahjaga, ish-presidente e Kosovës
- Ali Podrimja, poet
- Albin Kurti, kryeministri i tanishëm i Kosovës
- Vjosa Osmani, presidentja e tanishme e Kosovës dhe ish-kryetare e Kuvendit të Kosovës
- Dukagjin Pupovci, njohës i arsimit
- Ibrahim Rugova, presidenti i parë i Kosovës së pasluftës
- Naser Sahiti, profesor dhe ish-rektor i UP-së
- Fatmir Sejdiu, ish-president i Kosovës dhe ish-profesor i drejtësisë
- Haris Silajxhiq, ish-kryeministër dhe anëtar i Presidencës së Bosnjës dhe Hercegovinës
- Hashim Thaçi, ish-president i Kosovës, ish-kryeministër i Kosovës, ish-zëvendësrektor i studentëve
Remove ads
Shih edhe
Lidhje të jashtme
Referime
Wikiwand - on
Seamless Wikipedia browsing. On steroids.
Remove ads