Bäätholt
From Wikipedia, the free encyclopedia
Remove ads
Bäätholt (düütsk: Bätholt) is ne Buurskup fon Skäddel.
Loage
Bäätholt lait wäästelk Skäddel, suudelk fon Hollenbround und noudelk fon Heeselbierich. Wäästelk fon Bäätholt läit die Wäästfoan. Truch Bäätholt gungt ju Wäästfoansträite (Westermoorstrasse).
In Bäätholt lääse die Maiglöckchenwoold un die Maiglöckchensee.
Geskichte
Ticheläi
Deer waas ju Skäddeler Ticheläi twiske dät Täärp Skäddel un Bäätholt. Ju Leemdoabe, wier ju Ticheläi dän Leem wächfierde, lait in Bäätholt.
Skoule
Bäätholt hied fon 1920-1969 ne oaine katoolske Skoule. Ju Skoule wuud 1920 baud, uum dät tou betoaljen häd ju Meente Skäddel hiere Määlne foar 35.000 Mark an Wilhelm Hanekamp ferkooped. Ju Skoule hied eene Klasse. Ju Skoule waas n kultureel Säntrum in ju Buurskup un Koaster Tabeling gruundede deer n Trummel- un Floitenkoor.
Fon 1940 - 1950 waas ju Skoule sleeten un do Bäidene geenen ätter ju Skoule in Skäddel. Ätter dän 19.1.1950 waas deer dan wier Unnergjucht in Bäätholt mäd 40 Sköilere.
Ju Skoule wuud ap n 1.8.1969 sleeten un ferkooped. Ju stoant deer däälich noch.
Do Koastere wieren:
Laitenge:
- 1920 - 1930: Josef Sieverding
- 1930 - 1935: Karl Tabeling
- 1935 - 1940: August Krapp
- 1940 - 1950: ju Skoule waas sleeten
- 1950 - 1953: Rudolf Kemmerich
- 1953 - 1960: Kurt Löwe
- 1960 - 1968: Alois Hoheisel
- 1968 - 1969: Elisabeth Glende (Fertredenge)
Remove ads
Soage fon ju Skäddeler Klokke in dän Krätseldoabe
Dän Krätseldoabe waas n Woaterpoul ieuwenske dän Maiglöckchenwoold, deer wier nu ju Sträite B72 lapt. Dät rakt deer ne oolde Soage uur ju Skäddeler Säärkenklokke, do ju Mansfälder Suldoaten in dät 17. Jierhunnert klaue wüülen un do ju Skäddeler deeruum in dän Krätseldoabe ferstopped hieden. Wät deerfon weer is, kon man nit moor uutfiende.
Industrie
- Dät Eedwierk Brinkmann, wät nu tou Griendtsveen heert, häd deer noch n Eedwierk. Do moakje Eed-Briketts foar dän Kaminougend.
Bekoande Ienwoonere
- Wilhelm Awick-Meyer, Buurmäster fon ju Meente Skäddel fon 1946-1961
Ferwiesenge
Wällen
- Franz Dwertmann: Das grosse Sterben der kleinen Schulen, Vechtaer Druckerei und Verlag, 1984, ISBN 3-88441-025-3
Wikiwand - on
Seamless Wikipedia browsing. On steroids.
Remove ads