Loangholt

Loangholt (düütsk: Langholt) is n Täärp in ju Meente Rauderfeen. Dän aastelke Deel fon Loangholt heert tou Aastrauderfeen.

Ju katoolske St. Bonifatius-Säärke

Ju evangelske Trinitatis-Säärke in Loangholt uut 1901

Loage

Loangholt lait suudelk Rauderfeen un wäästelk Roomelse-Wääst. Suudelk Loangholt lait Burloage. Bie Loangholt lait dät unner Natuurskuts stoundene Landschaftsschutzgebiet Langholter Meer.

Geskichte

Loangholt wuud al in n Uurkunde fon 1319 dät eerste Moal ärwäänd. Ju Äntstoudenge fon Loangholt gungt tourääch ap dän Johanniteroarden, die deer in dän wiede Wäästfoan n Klaaster gruunded häd, uum dän Foan uurboar tou moakje. Ju Klaastersäärke stuud deer bit 1690. Dät Täärp Loangholt äntstuud dan uum ju Johanniter-Kommende.

Bauwierke

In Loangholt stuud fröier ne Ticheläi un ne Molkeräi.

Ju Johanniterkommende Loangholt

Dät Klaaster Loangholt waas ne fröiere Johanniter-Kommende. Dät Klaaster wuud wäil uum ju Midde fon dät 13. Jierhunnert as Dubbelklaaster fon do Johannitere uut Burgsteinfurt gruunded. Ap n 8. Säptämber 1319 wäd dät in ne Uurkunde dät eerste Moal ärwäänd. Ätter ju Reformation wuud dät Klaaster so as alle uurse in Aast-Fräislound fon do aastfräiske Groafen sleeten.

Sowied bekoant, bestuud dät Klaaster uut two gans loange Buurenhuuse. Een deerfon skäl deer uum 1770 noch weesen hääbe. Tou dät Klaaster heerde uk ne holtene Säärke, ju der 1690 oubaadend is. Do lääste Räste fon dät Klaaster wuuden an dän Begin fon dät 20. Jierhunndert wäch moaked.

Säärken

In Loangholt stounde ne katoolske un ne evangeelske Säärke,

• ju katoolske St. Bonifatius-Säärke un
• ju evangeelske Trintatissääärke, ju der ap n 2. Juni 1901 ienwäid wuude. Die Touden wuud eerst 1932 baud.

Sjuch uk

• Johanniterkommende Boukeläsk
• Lieste fon do Oargele in dän Loundkring Lier (düütsk)
• Lieste fon historiske Säärken in Aast-Fräislound (düütsk)

Literatuur/Wällen

• Harm Wiemann: Kurzer Überblick über die Geschichte des Johanniter Klosters Langholt, Aurich 1979.
• Harm Wiemann: Das Johanniter-Kloster Langholt. In: 150 Jahre St. Bonifatius Rhauderfehn. Festschrift zur 150-Jahrfeier am 1. Dezember 1981. Rhauderfehn 1981, S. 16ff
• Heinrich Schmidt: Politische Geschichte Ostfrieslands. Rautenberg, Leer 1975 (Ostfriesland im Schutze des Deiches, Bd. 5), S. 171
• Ortschronisten der Ostfriesischen Landschaft: Langholt, Gemeinde Ostrhauderfehn, Landkreis Leer
• Dät Klaaster ap rhaude.de
• Gemeinde Ostrhauderfehn: Wissenswertes zum Ortsteil Langholt
• rhaude.de

Noabermeenten fon Seelterlound un hiere an Seelterlound gränsede Täärpe un Buurskuppe
Noabermeenten Stääd Ait | Äästerweede (Samtmeente Noudhumling) | Rauderfeen | Aastrauderfeen | Tjootern (Samtmeente Jümme) | Bäärsel An dät Seelterlound gränsede Täärpe un Buurskuppe Kamperfeen | Swonnebiergerfoan | Näiskäddel | Burloage | Loangholt | Idafeen | Stickhusen | Aasterhusen | Roagebierich | Elisabethfeen | Reekenfäld

Bauwierke in do Fräislounde

Säärken Loangholt | Idafeen | Meente Aastrauderfeen | Meente Rauderfeen | Bunde | Veenhusen | Gandersum | Warsingsfehn | Uplengen | Tjootern un Amdorf | Oamde | Hylpen | Grou | Ljouwert | It Hearrenfean Määlne Wiendmäälne | Idafeen | Meente Rauderfeen | Burloage | Warsingsfehn Uur Aastfräisk Huus | Molkeräi | Ticheläi | Buurich Stickhusen | Steenhuus Bunderhee | Oamse-Speerwierk | Leda-Speerwierk | Woatertouden Oamde | Snitser Woaterpoute | Roadhuus fon Frjentsjer | Ooldehou Ljouwert | Skierstins Feanwâlden | Achmeatouden Ljouwert