Surah An-Naba

An Naba (basa Arab: النّبا, "Béja Gedé") nyaéta surat ka-78 dina al Qur'an. Surat ieu kaasup kana surat Makkiyah, diwangun ku 40 ayat. Dingaranan An Naba anu hartina béja gedé di cokot tina kecap an naba´ anu aya dina ayat ka-2 surat ieu. Dingaranan ogé Amma yatasaa aluun dicokot tina kekecapan amma yatasaa aluun anu aya dina ayat ka-1 surat ieu.

An Naba' النّبا
Informasi
Harti	Béja Gedé
Ngaran séjén	'Amma Yatasa'alun (Ngeunaan Naha Maranéhna Silih Tumanya)[1]
Golongan	Makkiyah Al-Mufassal[2]
Surah ka	78
Juz	Juz 30
Statistik
Jumlah ruku'	1 ruku'
Jumlah ayat	40 ayat

Poko-poko eusi

• • Ingkarna jalma-jalma musyrik ka ayana poé kiamat sarta anceman Alloh ka sikep maranéhanana éta.
  • Kakawasaan-kakawasaan Alloh anu katémbong dina alam minangka bukti ayana poé kiamat.
  • Kajadian-kajadian anu lumangsung dina poé kiamat.
  • Azab anu ditarima ku jalma-jalma anu ingkar kana ayat-ayat Alloh sarta kabagjaan anu ditarima jalma-jalma mukmin di poé kiamat.
  • Kaduhungna jelema kafir di poé kiamat.

Eusi jeung Tarjamah

Ayat ka	Tulisan Arab	Tarjamah basa Sunda
1.	عَمَّ يَتَسَآءَلُونَ	Tina perkara naon maranéhna silihtanya?
2.	عَنِ ٱلنَّبَإِ ٱلۡعَظِيمِ	Tina perkara béja anu gedé.
3.	ٱلَّذِى هُمۡ فِيهِ مُخۡتَلِفُونَ	Béja anu ku maranéhna disawalakeun.
4.	كَلَّا سَيَعۡلَمُونَ	Ulah kitu! Engké ogé maranéhna bakal nyarahoeun.
5.	ثُمَّ كَلَّا سَيَعۡلَمُونَ	Tuluy, ulah kitu! Engké ogé maranéhna bakal nyarahoeun.
6.	أَلَمۡ نَجۡعَلِ ٱلۡأَرۡضَ مِهَـٰدً۬ا	Naha lain Kami geus ngajadikeun ieu bumi lir amparan nu lega?
7.	وَٱلۡجِبَالَ أَوۡتَادً۬ا	Jeung gunung-gunung minangka paseukna?
8.	وَخَلَقۡنَـٰكُمۡ أَزۡوَٲجً۬ا	Jeung Kami ngayugakeun maranéh sajodo-sajodo.
9.	وَجَعَلۡنَا نَوۡمَكُمۡ سُبَاتً۬ا	Jeung Kami ngajadikeun saré maranéh pikeun ngareureuhkeun kacapé.
10.	وَجَعَلۡنَا ٱلَّيۡلَ لِبَاسً۬ا	Jeung Kami ngajadikeun peuting minangka pakéan.
11.	وَجَعَلۡنَا ٱلنَّہَارَ مَعَاشً۬ا	Jeung Kami ngajadikeun beurang pikeun nyiar pangupa jiwa.
12.	وَبَنَيۡنَا فَوۡقَكُمۡ سَبۡعً۬ا شِدَادً۬ا	Jeung Kami geus ngajadikeun luhureun maranéh pirang-pirang planét nu rohaka.
13.	وَجَعَلۡنَا سِرَاجً۬ا وَهَّاجً۬ا	Jeung Kami geus ngajadikeun lampu anu kacida caangna (srangéngé).
14.	وَأَنزَلۡنَا مِنَ ٱلۡمُعۡصِرَٲتِ مَآءً۬ ثَجَّاجً۬ا	Jeung Kami geus ngucurkeun hujan tina méga nu ngandung cai.
15.	لِّنُخۡرِجَ بِهِۦ حَبًّ۬ا وَنَبَاتً۬ا	Pikeun Kami nuwuhkeun sisikian jeung tutuwuhan ku éta cai.
16.	وَجَنَّـٰتٍ أَلۡفَافًا	Jeung kebon-kebon anu salubur.
17.	إِنَّ يَوۡمَ ٱلۡفَصۡلِ كَانَ مِيقَـٰتً۬ا	Saéstuna poé papastén téh hiji mangsa anu ditangtukeun.
18.	يَوۡمَ يُنفَخُ فِى ٱلصُّورِ فَتَأۡتُونَ أَفۡوَاجً۬ا	Dina poéan ditiupna sangkakala, maranéh baris daratang ngaleut ngeungkeuy ngabandaleut.
19.	وَفُتِحَتِ ٱلسَّمَآءُ فَكَانَتۡ أَبۡوَٲبً۬ا	Jeung langit bakal dibuka jadi sababaraha lawang.
20.	وَسُيِّرَتِ ٱلۡجِبَالُ فَكَانَتۡ سَرَابًا	Jeung gunung-gunung baris dimusnahkeun nepi ka jadi sarab (fatamorgana).
21.	إِنَّ جَهَنَّمَ كَانَتۡ مِرۡصَادً۬ا	Saéstuna naraka Jahanam téh disadiakeun.
22.	لِّلطَّـٰغِينَ مَـَٔابً۬ا	Pikeun mulangna jalma-jalma nu bahula.
23.	لَّـٰبِثِينَ فِيہَآ أَحۡقَابً۬ا	Anu baris tetep-tumetep di dinya sababaraha huqub (saendeng-endeng).
24.	لَّا يَذُوقُونَ فِيہَا بَرۡدً۬ا وَلَا شَرَابًا	Di dinyana moal ngarasa tiis jeung taya inumeun.
25.	إِلَّا حَمِيمً۬ا وَغَسَّاقً۬ا	Salian ti cai panas ngagolak jeung getih katut nanah.
26.	جَزَآءً۬ وِفَاقًا	Minangka wawales nu sabobot.
27.	إِنَّہُمۡ ڪَانُواْ لَا يَرۡجُونَ حِسَابً۬ا	Saéstuna maranéhna teu miharep kana hisab (balitungan amal).
28.	وَكَذَّبُواْ بِـَٔايَـٰتِنَا كِذَّابً۬ا	Jeung maranéhna ingkar kana ayat-ayat Kami enya-enya.
29.	وَكُلَّ شَىۡءٍ أَحۡصَيۡنَـٰهُ ڪِتَـٰبً۬ا	Padahal saban perkara (amal) ku Kami geus dikumpulkeun dina kitab.
30.	فَذُوقُواْ فَلَن نَّزِيدَكُمۡ إِلَّا عَذَابًا	Ku kituna pék gera rasakeun; jeung Kami moal nambahan naon-naon salian ti siksaan ka maranéh.
31.	إِنَّ لِلۡمُتَّقِينَ مَفَازًا	Saéstuna pikeun jalma-jalma nu takwa téh kauntungan.
32.	حَدَآٮِٕقَ وَأَعۡنَـٰبً۬ا	Kebon-kebon katut anggur.
33.	وَكَوَاعِبَ أَتۡرَابً۬ا	Jeung mojang-mojang ngora nu sapantar.
34.	وَكَأۡسً۬ا دِهَاقً۬ا	Jeung lumur-lumur nu parinuh ku inumeun.
35.	لَّا يَسۡمَعُونَ فِيہَا لَغۡوً۬ا وَلَا كِذَّٲبً۬ا	Di dinya maranéhna moal ngadéngé omong kosong jeung bohong.
36.	جَزَآءً۬ مِّن رَّبِّكَ عَطَآءً حِسَابً۬ا	Minangka pamulang ti Pangéran manéh, sih pangasih sacukupna.
37.	رَّبِّ ٱلسَّمَـٰوَٲتِ وَٱلۡأَرۡضِ وَمَا بَيۡنَہُمَا ٱلرَّحۡمَـٰنِ‌ۖ لَا يَمۡلِكُونَ مِنۡهُ خِطَابً۬ا	Pangéran nu murbeng langit jeung bumi katut saniskara nu aya di antarana, Nu Maha Murah, taya nu wasa unjukan ka Anjeunna.
38.	يَوۡمَ يَقُومُ ٱلرُّوحُ وَٱلۡمَلَـٰٓٮِٕكَةُ صَفًّ۬ا‌ۖ لَّا يَتَكَلَّمُونَ إِلَّا مَنۡ أَذِنَ لَهُ ٱلرَّحۡمَـٰنُ وَقَالَ صَوَابً۬ا	Dina poéan roh (Jibril) jeung malaikat ngadeg ngabaris, taya nu wasa unjukan salian ti anu dipaparin widi ku Pangéran Nu Maha Murah, jeung nu ngomongna bener.
39.	ذَٲلِكَ ٱلۡيَوۡمُ ٱلۡحَقُّ‌ۖ فَمَن شَآءَ ٱتَّخَذَ إِلَىٰ رَبِّهِۦ مَـَٔابًا	Éta téh poé anu haq (bener), sing saha anu miharep prak geura milih tempat mulang ka Pangéranna.
40.	إِنَّآ أَنذَرۡنَـٰكُمۡ عَذَابً۬ا قَرِيبً۬ا يَوۡمَ يَنظُرُ ٱلۡمَرۡءُ مَا قَدَّمَتۡ يَدَاهُ وَيَقُولُ ٱلۡكَافِرُ يَـٰلَيۡتَنِى كُنتُ تُرَٲبَۢا	Saéstuna Kami ngawawadian maranéh ku siksaan anu deukeut, dina poéan manusa nénjo saniskara anu geus dipigawé ku dua leungeunna; jeung jelema kafir baris lumengis: “Hayang teuing kaula jadi taneuh.”.