Babarit

Babarit nyaéta hajat nyalametkeun (salametan) lebur. Babarit ogé nunjul kana salametan pikeun anu keur kakandungan.^[1] Carana, salembur nyangu kawas rék lebaran. Kayaning nyieun tumpeng jeung rupa-rupa bubur ketan. Dipingpin ku kokolot lembur, ngariung di hiji tempat, atawa ngajajar sisi jalan désa. Sanggeus kokolot lembur nyeungeut menyan, terus ménta-ménta ka karuhun, supaya lembur reujeung pangeusina dijaga tina rupa-rupa misibat.^[2] Acara saterusna dahar balakecrakan disambi ku ngabagikeun rujak kanistrén.^[2]