Baligo

Baligo mangrupa tuwuhan anu ngareuy naék ka luhur nu ngahasilkeun buah anu kacida gedéna, dijadikeun sayuran. Buahna buluan mangsa ngora. Waktu asak, buluna leungit kaganti ku hiji palapis lilin. Buah baligo bisa tumuwuh nepi ka panjangna 2 méter. Mimitina ieu tuwuhan dibudidayakeun di Asia Tenggara, tapi kiwari bisa tumuwuh di Asia Wétan jeung Asia Kidul.^[1]

Baligo
Baligo nu ampir asak
Klasifikasi ilmiah
Karajaan:	Plantae
Divisi:	Magnoliophyta
Kelas:	Magnoliopsida
Ordo:	Cucurbitales
Kulawarga:	Cucurbitaceae
Génus:	Benincasa
Spésiés:	B. hispida
Ngaran binomial
Benincasa hispida Thunb.

Pamangpaatan

Di India Kalér jeung Pakistan, baligo dipaké pikeun nyieun peremén nu disebut Petha. Di India Kidul baligo dimangpaatkeun pikeun sayur kari. Kalan-kalan, buahna digunakeun pikeun ngahasilkeun inuman buah. Biasana diamisan ku gula.

Baligo merlukeun hawa haneut pikeun tumuwuh. Buah baligo bisa disimpen nepi ka waktu 12 bulan.

Tempo ogé

Tumbu ka luar

• PROTAbase on Benincasia hispida
• Multilingual taxonomic information from the University of Melbourne
• Benincasa hispida
• Benincasa hispida Archived 2011-10-28 di Wayback Machine Click on Benincasa in the list on the lower left.