Pakistan

Pakistan (Basa Urdu: اسلامی جمہوریۂ پاکستان), ngaran resmina Républik Islam Pakistan nyaéta nagara républik di Asia Kidul, nu mangrupa tempat papanggihna wewengkon Asia Kidul jeung Asia Tengah sarta Wétan Tengah.^[2][3] Nagara ieu mibanda 1,046 kilométer gari basisir sapanjang Sagara Arabia di béh kidul, diwawatesan ku Afganistan jeung Iran di béh kulon, India di béh wétan sarta Tiongkok jauh di béh wétan kaléreunana.^[4]

اسلامی جمہوریۂ پاکستان Islāmī Jumhūrīyah-e-Pākistān Républik Islam Pakistan
Motto Ittehad, Tanzim, Yaqeen-e-Muhkam  (Urdu) "Kesatuan, Disiplin jeung Kayakinan"
Lagu "Qaumi Tarana"
Location of Pakistan
Ibu kota		Islamabad 1) 33°40′N 73°10′E
Kota panggedéna		Karachi
Basa resmi		Urdu, Inggris, Arab
Pamaréntah		Républik
-	Présidén	Mamnoon Hussain
-	Perdana Mentri	Mian Nawaz Sharif
Ngadeg
-	Merdika	ti United Kingdom
-	Didéklarasikeun	14 Agustus 1947
-	Républik Islam	23 Maret 1956
Aréa
-	Total	803,9401 km² (ka-36) 310,4031 mil²
-	Cai (%)	3.1
Populasi
-	Perkiraan  2007	156,770,000[1] (ka-6)
-	Kapadetan	206 /km² (ka-53) 534 /mil²
GDP (PPP)		Perkiraan 2007
-	Total	$475.6 miliar (ka-25)
-	Per kapita	$3,004.5 (ka-128)
Gini? (2002)		30.6 (sedeng)
HDI (2006)		0.539 (sedeng) (ka-134)
Mata uang		Rupee (Rs.) (PKR)
Zona wanci		PST (UTC+5)
-	Usum panas (DST)	teu ditalungtik (UTC+6)
TLD Internét		.pk
Kode telepon		+92
1	Tanpa Azad Jammu jeung Kashmir (AJK) jeung Wewengkon Kalér nu Féderal (FANA).

Pakistan mangrupa nagara pangpadetna kagenep di dunya sarta mangrupa nagara mayoritas Islam nu kadua pangpadetna. Wewengkonna mangrupa bagéan India Britania samemeh dibagi-bagi sarta mibanda sajarah pakampungan jeung peradaban nu panjang salila Peradaban Léngkob Indus. lolobana tina wewengkon nu aya kiwari beunang ku Pérsia jeung Yunani dina Milénium ka-1 SM sarta diatur ku maranéhannana salila sawatara abad. Keur sesa sajarahna, wewengkon ieu mangrupa bagéan tina karajaan India nu lega atawa di sahadapeun pupuhu lokal atawa regional. Nu datang jeung ngawasana satuluyna aya urang Arab, Afganistan, Turki, Baloch jeung Mongol. Wewengkon ieu asup kana India Britania dina abad ka-19. Tii saprak merdika, nagara ieu geus ngalaman dua périodeu tumuwuhna militer jeung ekonomi nu penting, sarta périodeu nu henteu stabil, ku ayana kaluarna Pakistan Wétan (kiwari Bangladésh).

Tempo ogé

Wétan Tengah nu Agung