Diuk

Diuk nyaéta birit sina cicing dina batu, taneuh, bangku, dadampar. Lemesna calik atawa linggih.^[1]

Bule keur diuk cingogo

Rupa-Rupa Diuk

1. Andegléng : diuk ajeg tumaninah dina korsi.^[2]
2. andéprok  : émok rakep (awéwé).^[2]
3. Anjeucleu : diuk ngeunah-ngeunah di tempat nu rada luhur (dina tonggong munding, kuda,jst).^[2]
4. Campego  : diuk sababaraha lilana kawas nu didagoan.^[2]
5. Candeluk  : diuk sababaraha lilana kawas aya nu didagoan.^[2]
6. Cangogo/cingogo : nagog, peta saperti nu keur bubuang.^[2]
7. Émok  : diuk awéwé, sukuna duanana ditikelkeun semu ka gigir ditindihan ku dua pingping.^[2]
8. Nagog  : cingogo.^[2]
9. Nanggeuy gado : diuk biasana ngan leungeun sabeulah dipaké nanggeuy gado, diuk nanggeuy gado biasana keur ngalamun atawa baringung pipikiran.^[2]
10. Ngabaheuhay  : diuk nyangunjar bari suku direnggangkeun, biasana lantaran capé.^[2]
11. Ngabebengkong/ngalegeday : diuk lila rada semu bengkung, bari nganggur.^[2]
12. Nyanghunjar  : diuk bari ngalonjorkeun suku sabeulah.^[2]
13. Nyanghunjar  : diuk bari ngalonjorkeun suku duanana.^[2]
14. Lembar  : diuk bari ngalonjorkeun suku duanana.^[2]
15. Nyangsaya  : diuk bari nyarandékeun awak kana tempat nu disarandéan.^[2]
16. Sidengdang  : diuk bari suku duanana dirumbaykeun (biasana diuk di imah panggung nu aya kolongan).^[2]
17. Sideuha  : diuk emok atawa sila bari leungeun sabeulah dipaké nulak awak.^[2]
18. Sila  : diuk bari nikelkeun suku duanana handapeun pingping nu didengkakkeun.^[2]

Rup-rupa Sila

1. Sila andekak : sila semu rubak, biasana bari nyanghareup kadaharan.^[2]
2. Sila ipis  : sila ruabk, tuur anggang pisan tepi ka jébrag.^[2]
3. Sila mando  : sila bari leungeun duanana aya di antara dua suku nu ditumpangkeun, awak biasana semu doyong ka hareup.^[2]
4. Sila tumpang : sila bari dampai suku duanana numpang dina pingping kénca katuhu.^[2]
5. Sila tutug  : suku nu sabeulah sila, sedeng nu sabeulah deui ditutugkeun.^[2]