Kecap lemes

Kecap lemes (aksara Sunda baku: ᮊᮨᮎᮕ᮪ ᮜᮨᮙᮨᮞ᮪, palapalan basa Sunda: [kəcap ləməs]) nyaéta kosakecap basa Sunda anu digunakeun dina ragam basa hormat ka batur. Kabéh kecap lemes tanwandé aya sasaruaannana jeung kecap loma, wangenan kecap lemes ogé ngawengku wangenan minangka kecap anu digunakeun pikeun ngaajénan batur, ogé ngawengku sakumna jinis-jinis kosakecap lemes anu séjénna, kayaning kecap lemes pisan (kecap lemes anu leuwih luhur), kecap lemes dusun (kecap lemes anu lain lulugu) jeung kecap lemes énténg (kecap lemes anu nétral atawa teu dihususkeun pikeun batur ogé pikeun sorangan).

Kekecapan lemes dina Soendaneesch-Hollandsch woordenboek (1913) jieunan Sierk Coolsma ditandaan ku l., dina gambar di luhur, conto kekecapan anu ditandaan ku l. nyaéta "nanging", "koeramas" ("kuramas"), "angkat", "angken", "angkeng" ("angkéng") jeung "angkeut".

Dina kamus-kamus atawa buku tatabasa Sunda, kecap lemes biasana ditandaan ku L., lem. atawa l.

Kandaga kecap

Ieu di handap mangrupa conto kecap lemes jeung padananna dina kecap loma.^[1]

Loma	Lemes
mandi	siram
hayang	palay
dahar	tuang
nginum	ngaleueut
leumpang	nyacat
sirah	mastaka
beuheung	tenggek

Tempo ogé

• Kecap lemes pisan
• Kecap lemes énténg
• Kecap lemes dusun
• Kecap sedeng