Baluchistan

Baluchistan, Balochistan au Baluchestan^[1] (بلوچستان) ni eneo linalokaliwa na Wabaluchi. Imegawiwa kati ya Pakistan, Irani na Afghanistan.

Eneo la Wabaluchi linaonyeshwa kwa rangi ya pinki

Hapa kuna vitengo vifuatavyo:

• Jimbo la Balochistan katika Pakistan (km^² 347.190 , wakazi milioni 12.3, nusu yao Wabaluchi)
• Mkoa wa Sistan na Baluchistan katika Irani (km^² 181,785, wakazi milioni 2.5, zaidi ya nusu Wabaluchi)
• Katika Afghanistan eneo la Wabaluchi limegawiwa kati ya wilaya za Nimruz, Helmand na Kandahar, idadi yao ni takriban 600,000.

Idadi ya Wabaluchi inakadiriwa kuwa milioni 10. Wengine huishi nje ya Baluchistan hasa katika miji mikubwa ya nchi zao. Kuna pia Wabaluchi katika Afrika ya Mashariki na mababu zao walichukuliwa kama askari na Sultani wa Zanzibar wakati wa karne ya 19.