Mkoa wa Gao

Mkoa wa Gao (kwa Kibambara: Gao Dineja) ni eneo lililo kaskazini-mashariki mwa Mali. Mji mkuu ni Gao.

Ramani ya mikoa ya Gao (bado na Menaka) na Kidal

Cercles za Mkoa wa Gao

Mkoa huo unapakana upande wa kaskazini na Mkoa wa Kidal, upande wa magharibi na Mkoa wa Timbuktu. Kwa upande wa mashariki na kusini iko ncho ya Niger, halafu kuna mpaka mfupi na Burkina Faso.

Idadi ya watu

Makabila katika Mkoa wa Gao ni pamoja na Wasonghai, Wabozo, Watuareg, Wabambara na Wakounta.

Wilaya

Kwa madhumuni ya kiutawala, Mkoa wa Gao umegawanywa katika wilaya (cercles): ^[1]

Jina la Cercle	Eneo (km2)	Idadi ya watu Sensa ya 1998	Idadi ya watu Sensa ya 2009
Asongo	23,614	82,398	132,205
Bourem	43,000	80,667	115,958
Gao	31,250	143,300	239,853
Menaka	73,664	35,177	56,104

Mnamo mwaka 2016 maeneo ya Menaka yalianza kutengwa na kuwa mkoa wa pekee.

Historia

Tangu karne ya 9 kuna taarifa kuhusu milki kubwa iliyokuwa na mji mkuu katika Gao. Milki ya Gao ilikuwa na utajiri kutokana na udhibiti wake juu ya uchimbaji wa chumi na biashara yake. Ilifuatwa na Milki ya Songhai iliyotumia pia Gao kama mji mkuu. Uvamizi wa Moroko katika karne ya 16 ulimaliza milki hiyo.

Mkoa wa Gao ndani ya Mali hapo awali ulijumuisha sehemu nzima ya nchi iliyopo upande wa mashariki mwa Mkoa wa Timbuktu. Mnamo 1991 nusu ya kaskazini ya Mkoa wa Gao ikatengwa na kuwa Mkoa wa Kidal .

Wakati wa uasi wa Watuareg wa 2012, Mkoa wa Gao ulikuwa sehemu ya maeneo ya Mali ya kaskazini ambayo yalitangazwa kuwa nchi mpya ya Azawad na Harakati kwa Ukombozi wa Azawad (MNLA). Katika mapigano ya Gao kwenye Juni 2012 wanamgambo Waislamu walishinda MNLA wakatawala mkoa hadi kufukuzwa na jeshi la Kifaransa.

Tazama pia

• Cercles ya Mali
• Mikoa ya Mali