Trakoma

Trakoma (inaitwa pia: vikope, Egyptian ophthalmia^[1]) ni ugonjwa wa maambukizi unaosababishwa na bakteria Klamidia trakomati.^[2] Maambukizi husababisha kukwaruza kwa sehemu ya ndani ya vigubiko vya macho. Huo mkwaruzo unaweza kusababisha maumivu ya macho, kuharibika kwa sehemu ya nje ya macho au konea, na hatimaye upofu.^[2]

Trakoma

Trakoma
Mwainisho na taarifa za nje
Kundi Maalumu	Infectious diseases, ophthalmology
ICD-10	A71.
ICD-9	076
DiseasesDB	29100
MedlinePlus	001486
eMedicine	oph/118
MeSH	D014141

Kisababishi

Bakteria inayosababisha ugonjwa unaweza kusambazwa kwa mgusano wa macho au mapua wa moja kwa moja au usiokuwa wa moja kwa moja na mtu aliyeambukizwa.^[2] Mgusano wa macho au mapua usiokuwa wa moja kwa moja unajumuisha kupitia nguo au inzi walioguza mtu aliyeambukizwa.^[2] Maambukizi mengi huhitajika kwa zaidi ya miaka mingi kabla ya alama iliyoko kwa kigubiko cha jicho haijakuwa kubwa kwamba kope za macho zinaanza kukwaruza jicho.^[2] Watoto husambaza ugonjwa kila mara zaidi ya watu wazima.^[2] Mazingira chafu, maeneo yaliyo na watu wengi, na pasipo na maji safi ya kutosha na choo yanachangia usambazaji.^[2]

Kinga na tiba

Juhudi za kuzuia ugonjwa unajumuisha uboreshaji wa kupata maji safi na kupunguza idadi ya watu walioambukizwa kupitia matibabu ya antibiotiki.^[2] Hii inaweza kujumuisha kutibu, wote mara moja, vikundi vyote vya watu vinavyofahamika kuwa na ugonjwa huu kila mara.^[3] Kufua nguo haitoshi kuzuia ugonjwa lakini inaweza kuwa bora na hatua zingine.^[4] Aina za matibabu hujumuisha azithromycin ya kunywa au tetracycline ya tropikali.^[3] Azithromycin hupendelewa kwa sababu inaweza kutumika kama dozi moja tu ya kunywa.^[5] Baada ya mkwaruzo wa kigubiko cha jicho kutokea upasuaji unaweza kuhitajika ili kurekebisha sehemu ya kope za macho na kuzuia kuwa kipofu.^[2]

Epidemiolojia

Ulimwenguni, takriban watu milioni 80 wako na maambukizi ya hivi karibuni.^[6] Katika maeneo mengine maambukizi yanaweza kuwepo kwa ukubwa wa kati ya asilimia 60–90 ya watoto na mara nyingi huathiri wanawake kuliko wanaume kwa sababu ya kuwa karibu na watoto.^[2] Ugonjwa huu ni ksababishi cha ukosefu wa kuona vizuri kwa watu milioni 2.2 ambapo milioni 1.2 ni vipofu kabisa.^[2] Hutokea mara nyingi kwa nchi 53 za Afrika, Asia, Amerika Kusini na ya Kati na karibu watu milioni 230 wako hatarini.^[2] Inachangia hasara ya dola bilioni 8 ya kiuchumi kila mwaka.^[2] Ni ya kikundi cha magonjwa kinachojulikana kama magonjwa ya tropikali yasiyozingatiwa.^[6]