அபி எண்
From Wikipedia, the free encyclopedia
அபி எண் (Abbe number) ஒளியியலில் வில்லைகளை வடிவமைக்கப் பயன்படுகிறது. ஒளிபுகு பண்பு (Transparency) கொண்ட பொருட்களின் V-எண் எனவும் அழைக்கப்படுகிறது. இவ்வெண் நிறப்பிரிகைத் திறனின் அளவீடாகும் (அலை நீளம் மற்றும் ஒளிவிலகல் எண் இடையே இது அயக்கப்படுகிறது). V-எண்ணின் அளவு அதிகரிக்கும் போது நிறப்பிரிகைத் திறன் குறைகிறது. செர்மனியைச் சேர்ந்த இயற்பியலாளர் எனெச்ட் அபி (Ernst Abbe) பெயரால் இவ்வெண் அழைக்கப்படுகிறது.
ஒரு பொருளின் அபி எண் என்பது,[1][2] VD,
இதில் nD, nF and nC என்பது முறையே D-, F- மற்றும் C- பிரான்ஃகோபர் கோடுகளின் ஒளிவிலகல் எண்கள் ஆகும். (அந்த அலைநீளங்கள் முறையே 589.3 nm, 486.1 nm and 656.3 nm ஆகும்). அபி எண், ஒளியின் நிறத்தரத்திற்கு (chromaticity) ஏற்ப ஒளியியற் பொருட்களையும், கண்ணாடிகளை வகைப்படுத்தவும் பயன்படுகிறது. அதிக நிறப்பிரிகைக் கொண்ட தீக்கல் கண்ணாடி V < 55 என்ற அபி எண்ணும், குறைந்த நிறப்பிரிகைக் கொண்ட கிரௌன் கண்ணாடி அதிக அபி எண்ணைக் கொண்டுள்ளது. மிகவும் அடர்த்தியான ஃபிளிண்ட் கண்ணாடி கூட 25 க்கு கீழே அபி எண்ணை பெற்றுள்ளது. பாலிகார்பனேட் நெகிழியால் ஆன பொருட்களின் அபி எண் 34 ஆகவும், பொதுவான கிரௌன் கண்ணாடிகள் 65 என்ற அபி எண்ணையும் பெற்றுள்ளது. புளோரைட் மற்றும் பாசுபைட்டால் ஆன கிரௌன் கண்ணாடிகளின் அபி எண் 75 முதல் 85 வரை இருக்கும்.
நிறப்பிறழ்ச்சி இல்லா வில்லைகளை உருவாக்க அபி எண்கள் பயன்படுகிறது. அவற்றின் தலைகீழி நிறப்பிரிகை ஆகும். அலைநீளப் பகுதியில் மனிதக் கண்ணின் உணர்வுதிறன்மிக்கப் பகுதி காட்டப்பட்டுள்ளது. (பார்க்க: வரைபடம்)