மொசாம்பிக்கின் அரசியல்வாதி From Wikipedia, the free encyclopedia
கிராசா மாசெல் (Graça Machel) என்கிற சிம்பைன் (பிறப்பு 17 அக்டோபர் 1945) ஒரு மொசாம்பிக் அரசியல்வாதியும் மற்றும் மனிதாபிமானவாதியுமாவார். முதலில் இவர் மொசாம்பிக்கின் முன்னாள் சனாதிபதி சமோரா மாசெல் (1975-1986) என்பவரை மணந்தார். சமேராவின் மறைவிற்குப் பின்னர் தென்னாப்பிரிக்காவின் முன்னாள் சனாதிபதி நெல்சன் மண்டேலாவை (1998-2013) மணந்து கொண்டார். உலக அளவில் பெண்கள் மற்றும் குழந்தைகளின் முன்னேற்றத்திற்காக பாடுபடும் இவரது மனிதாபிமானப் பணிகளுக்காக 1997 ஆம் ஆண்டில் இரண்டாம் எலிசபெத் மகாராணியால் பிரித்தானியப் பேரரசின் மிக சிறந்த வரிசையில் இடம் பெற்றார். நவீன வரலாற்றில் தென்னாப்பிரிக்கா மற்றும் மொசாம்பிக் ஆகிய இரு நாடுகளின் முதல் பெண்மணியாக இருந்தார்.
கிரேசா மாசெல் | |||||||||||||||
---|---|---|---|---|---|---|---|---|---|---|---|---|---|---|---|
2010இல் கிரேசா மாசெல் | |||||||||||||||
தென்னாப்பிரிக்காவின் முதல் பெண்மணி | |||||||||||||||
பாத்திரத்தில் 18 ஜூலை 1998 – 14 ஜூன் 1999 | |||||||||||||||
குடியரசுத் தலைவர் | நெல்சன் மண்டேலா | ||||||||||||||
முன்னையவர் | சின்ட்சி மண்டேலா செனானே மண்டேலா | ||||||||||||||
பின்னவர் | செனாலே எம்பெகி | ||||||||||||||
மொசாம்பிக்கின் முதல் பெண்மணி | |||||||||||||||
பாத்திரத்தில் 11 நவம்பர் 1975 – 19 அக்டோபர் 1986 | |||||||||||||||
குடியரசுத் தலைவர் | சமோரா மாசெல் | ||||||||||||||
முன்னையவர் | பதவி உருவாக்கப்படது | ||||||||||||||
பின்னவர் | மெர்சிலின் சிசானோ | ||||||||||||||
| |||||||||||||||
| |||||||||||||||
தனிப்பட்ட விவரங்கள் | |||||||||||||||
பிறப்பு | கிரேசா சிம்பைன் 17 அக்டோபர் 1945 இன்காடைன், போர்த்துகீசிய மொசாம்பிக் | ||||||||||||||
அரசியல் கட்சி | FRELIMO, 1973–தற்போது வரை) ஆபிரிக்க தேசிய காங்கிரஸ் (1998–தற்போது வரை) | ||||||||||||||
துணைவர்கள் |
| ||||||||||||||
பிள்ளைகள் | ஒரு மகன் மற்றும் ஒரு மகள் என இருவர் | ||||||||||||||
உறவினர் | மண்டேலா குடும்பம் (திருமணத்தின் மூலம்) | ||||||||||||||
முன்னாள் கல்லூரி | லிஸ்பன் பல்கலைக்கழகம் | ||||||||||||||
வேலை | ஆசிரியர், அரசியல்வாதி, செயல்பாட்டாளர் | ||||||||||||||
கிராசா மாசெல் ஆப்பிரிக்கா முன்னேற்றக் குழுவின் உறுப்பினராக உள்ளார். இது ஆப்பிரிக்காவில் சமமான மற்றும் நிலையான வளர்ச்சிக்காக மிக உயர்ந்த மட்டத்தில் வாதிடும் பத்து புகழ்பெற்ற நபர்களின் குழுவாகும். ஒரு குழு உறுப்பினராக, கிராசா அறிவைப் பயன்படுத்துவதற்கும், தரகு அறிவைப் பெறுவதற்கும் கூட்டணிக் கட்டமைப்பை எளிதாக்குகிறார். மேலும் ஆப்பிரிக்காவில் நீடித்த மாற்றத்திற்கான கொள்கையை பற்றி முடிவெடுப்பவர்களை ஒன்றினைக்கிறார்.
கிராசா 1999 மற்றும் 2019க்கும் இடையில் கேப் டவுன் பல்கலைக்கழகத்தின் வேந்தராக இருந்தார்.
கிராசா சிம்பைன் தனது தந்தை இறந்த 17 நாட்களுக்குப் பிறகு, ஆறு குழந்தைகளில் இளையவராக[1] காசா மாகாணத்தில், போர்த்துகீசிய கிழக்கு ஆப்பிரிக்காவில் (இன்றைய மொசாம்பிக் ) கிராமப்புற இன்காடைனில் பிறந்தார். போர்த்துகலில் உள்ள லிஸ்பன் பல்கலைக்கழகத்தில் உதவித்தொகை பெறுவதற்கு முன்பு இவர் மெதடிச மறைப் பள்ளிகளில் பயின்றார். அங்கு இவர் இடாய்ச்சு மொழியைப் படித்தார்.
மாசெல் பிரான்சிய மொழி, எசுப்பானியம், இத்தாலிய மொழி, போர்த்துக்கேய மொழி மற்றும் ஆங்கிலம் மற்றும் தனது சொந்த மொழியான சோங்க மொழியையும் பேசுகிறார்.
சிம்பைன் 1973 இல் போர்த்துகீசிய கிழக்கு ஆப்பிரிக்காவுக்குத் திரும்பினார். மொசாம்பிகன் விடுதலை முன்னணியில் சேர்ந்து பள்ளி ஆசிரியராகப் பணியாற்றினார். 1975 இல் மொசாம்பிக்கின் சுதந்திரத்தைத் தொடர்ந்து, சிம்பைன் 25 ஜூன் 1975 இல் மொசாம்பிக்கின் முதல் கல்வி மற்றும் கலாச்சார அமைச்சராக நியமிக்கப்பட்டார்.
இவரது பதவிக் காலத்தில், ஆரம்ப மற்றும் இடைநிலைப் பள்ளிகளில் சேரும் மாணவர்களின் எண்ணிக்கை, பள்ளி வயதுடைய அனைத்து குழந்தைகளில் 40 சதவீதத்திலிருந்து ஆண்களில் 90 சதவீதமாகவும், பெண்களில் 75 சதவீதமாகவும் உயர்ந்தது. [2]
2000 ஆம் ஆண்டிற்குள் ஆப்பிரிக்காவில் பசியை நீக்கும் இலக்கில் பங்களித்த ஒரு நபருக்கு ஆண்டுதோறும் வழங்கப்படும் பரிசை 1992இல் கிராசா மாசெல் பெற்றார். குறிப்பாக ஏதிலிக் குழந்தைகளுக்காக தனது நீண்டகால மனிதாபிமானப் பணியை அங்கீகரிப்பதற்காக ஐக்கிய நாடுகள் அவையிடமிருந்து 1995 ஆம் ஆண்டு நான்சென் பதக்கத்தைப் பெற்றார். [3]
1997 ஆம் ஆண்டில், மனித உரிமைகள் பாதுகாப்புத் துறையில் இவரது பங்களிப்புகள் மற்றும் சேவைகளுக்காக ஐக்கிய இராச்சியத்தின் இரண்டாம் எலிசபெத் மகாராணியால் பிரித்தானியப் பேரரசின் கௌரவ விருது வழங்கப்பட்டது. அதே ஆண்டில், நியூ இங்கிலாந்து வட்டத்தின் குளோபல் சிட்டிசன் விருதைப் பெற்றார். 1998, ஐரோப்பிய ஒன்றியத்தின் வடக்கு-தெற்கு மையத்தால் வழங்கப்பட்ட வடக்கு-தெற்கு பரிசை வென்ற இருவரில் மச்செலும் ஒருவர்.[4]
1999 முதல் 2019 வரை கேப் டவுன் பல்கலைக்கழகத்தின் அதிபராக மாசெல் இருந்தார்.[5] [6] 2009 ஆம் ஆண்டில், பொதுநலவாய நாடுகளின் புகழ்பெற்ற நபர்கள் குழுவில் இடம்பெற்றார். 2012 இல் இலண்டன் பல்கலைக்கழகத்தில் கீழைநாடுகள் மற்றும் ஆப்பிரிக்க ஆய்வுகள் பள்ளியின் தலைவராக நியமிக்கப்பட்டார்.[7] 2016 ஆம் ஆண்டில், ஆப்பிரிக்க தலைமைத்துவ பல்கலைக்கழகத்தின் அதிபராக மாசெல் நியமிக்கப்பட்டார். அப்பதவியை இன்று வரை வகிக்கிறார்.[8][9]
ஜூலை 2017 இல், மனிதநேயம் மற்றும் சமூக அறிவியலுக்கான ஐக்கிய இராச்சியத்தின் தேசிய அகாடமியான பிரிட்டிஷ் அகாடமியின் கெளரவ உறுப்பினராகத் தேர்ந்தெடுக்கப்பட்டார். [10] 2018 ஆம் ஆண்டில், பெண்கள், குழந்தைகள் மற்றும் இளம்பருவத்தினரின் ஆரோக்கியம் மற்றும் நல்வாழ்வுக்காக இவர் ஆற்றிய பங்களிப்புகளுக்காக உலக சுகாதார அமைப்பால் இவருக்கு விருது வழங்கப்பட்டது.
17 ஜூலை 2018 அன்று, தென்னாப்பிரிக்க சனாதிபதி சிறில் ரமபோசா மற்றும் முன்னாள் அமெரிக்க சனாதிபதி பராக் ஒபாமா ஆகியோருடன் ஜோகானஸ்பேர்க்கிலுள்ள வாண்டரர்சு துடுப்பாட்ட அரங்கத்தில் நடைபெற்ற 16வது நெல்சன் மண்டேலா வருடாந்திர விரிவுரையில் மாசெல் கலந்து கொண்டார். நெல்சன் மண்டேலாவின் 100வது பிறந்தநாளை நினைவுகூரும் இந்த நிகழ்வை கிட்டத்தட்ட 15,000 பேர் பார்வையிட்டனர்.[11]
மொசாம்பிக் அமைச்சகத்திலிருந்து ஓய்வு பெற்றதைத் தொடர்ந்து, சிறுவர்கள் மீதான ஆயுத மோதலின் தாக்கம் குறித்த ஐக்கிய நாடுகள் அவையின் அறிக்கையை தயாரிப்பதற்கான நிபுணராக மாசெல் நியமிக்கப்பட்டார்.[12] 2008 முதல் 2009 வரை, கார்டன் பிரவுன் மற்றும் ராபர்ட் ஜோலிக் ஆகியோரால் இணைத் தலைவராக இருந்த சுகாதாராத் திட்டங்களுக்கான சர்வதேச நிதியுதவி வழங்கும் உயர்நிலை பணிக்குழுவில் உறுப்பினராக இருந்தார்.[13] இவர் 2013-2018 வரை தாய்வழி, புதிதாகப் பிறந்த குழந்தை மற்றும் குழந்தை ஆரோக்கியத்திற்கான கூட்டுக் குழுவின் தலைவராக பணியாற்றினார். ஜனவரி 2016 இல் ஐக்கிய நாடுகள் அவையின் பொதுச் செயலாளர் பான் கி-மூனால் ஒவ்வொரு குழந்தைக்கும் ஒவ்வொரு பெண்ணுக்கும் என்ற உயர்மட்ட ஆலோசனைக் குழுவில் நியமிக்கப்பட்டார்.[14]
17 ஜனவரி 2016 அன்று, மாசெல் ஐக்கிய நாடுகள் கல்வி, அறிவியல், பண்பாட்டு நிறுவனத்தால் நிலையான வளர்ச்சி இலக்குகளுக்கான வழக்கறிஞராக [15] அறிவிக்கப்பட்டார். இவருடன் சேர்ந்து மேலும் 16 பேரும் ஐக்கிய நாடுகள் சபையின் பொதுச் செயலாளரால் நியமிக்கப்பட்டனர்.
18 ஜூலை 2007 அன்று தென்னாப்பிரிக்காவின் ஜோகன்னஸ்பேர்க்கில், நெல்சன் மண்டேலா, கிராசா மாசெல் மற்றும் தெசுமாண்ட் தூட்டு ஆகியோர் தி எல்டர்ஸ் என்ற ஒரு அமைப்பைக் கூட்டினர். மண்டேலா தனது 89வது பிறந்தநாளில் ஒரு உரையில் அதன் உருவாக்கத்தை அறிவித்தார். குழு கருப்பொருள் மற்றும் புவியியல் ரீதியாக குறிப்பிட்டத் திட்டங்களில் செயல்படுகிறது. இசுரேல்-பாலத்தீனப் பிணக்கு, கொரியா, சூடான் மற்றும் தெற்கு சூடான், நிலையான வளர்ச்சி மற்றும் பெண்களின் உரிமைகள் ஆகியவை இக்குழுவின் முன்னுரிமை பிரச்சினைகளில் அடங்கும்.[16]
சிறுவர் திருமணம் குறித்த குழுவின் பணிகளில் மாசெல் குறிப்பாக ஈடுபட்டுள்ளார். இதில் குழந்தைத் திருமணத்தை முடிவுக்குக் கொண்டுவருவதற்கான உலகளாவிய கூட்டும் அடங்கும்.[17] [18]
சிம்பைன் 1975 இல் மொசாம்பிக்கின் முதல் சனாதிபதியான சமோரா மாசெலை மணந்ததன் மூலம் ஜோசினா என்றா ஒரு மகளும் மலெங்கன் என்ற ஒரு மகனும் என இரண்டு குழந்தைகளைப் பெற்றார். 1986 ஆம் ஆண்டு மொசாம்பிக் - தென்னாப்பிரிக்கா எல்லைக்கு அருகே சமேரா சென்ற விமானம் விபத்துக்குள்ளானதில் சமோரா இறந்தார். இவரது மகள் ஜோசினா ஒரு பெண்கள் உரிமை ஆர்வலராக உள்ளார். அவர் 2020 இல் பிபிசியின் 100 பெண்களில் ஒருவராக பட்டியலிடப்பட்டார்.[19]
தனது முதல் கணவர் சமேரா இறந்தவுடன் கிராசா மாசெல் நெல்சன் மண்டேலாவை ஜோகன்னஸ்பர்க்கில் 18 ஜூலை 1998 அன்று மண்டேலாவின் 80வது பிறந்தநாளில் மணந்தார். அந்த நேரத்தில், மண்டேலா தென்னாப்பிரிக்காவின் நிறவெறிக்கு பிந்தைய முதல் சனாதிபதியாக பணியாற்றினார். மண்டேலா 5 டிசம்பர் 2013 அன்று நிமோனியாவால் இறந்தார்.[20]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.