ஆண்டிப்பட்டி வட்டம்

ஆண்டிப்பட்டி வட்டம் , தமிழ்நாட்டின் தேனி மாவட்டத்தில் உள்ள ஐந்து வட்டங்களில் ஒன்றாகும். ^[1]இந்த வட்டத்தின் தலைமையகமாக ஆண்டிப்பட்டி நகரம் உள்ளது. ஆண்டிப்பட்டி ஊராட்சி ஒன்றியம் மற்றும் கடமலை-மயிலாடும்பாறை ஊராட்சி ஒன்றியம் இவ்வட்டத்தில் உள்ளது. இந்த வட்டத்தின் கீழ் ஆண்டிபட்டி, கண்டமனூர், மயிலாடும்பாறை, இராஜதானி என 4 உள்வட்டங்களும், 25 வருவாய் கிராமங்களும் உள்ளது. அவைகள்:

1. ஆண்டிபட்டி துண்டு (Pit) 1
2. ஆண்டிபட்டி துண்டு 2
3. பாலக்கோம்பை
4. சித்தார்பட்டி
5. ஜி.உசிலம்பட்டி
6. கடமலைக்குண்டு
7. கணவாய்ப்பட்டி
8. கோத்தலூத்து
9. கொத்தப்பட்டி
10. கோவில்பட்டி
11. குன்னூர்
12. மரிக்குண்டு
13. மேகமலை
14. மொட்டனூத்து
15. மயிலாடும்பாறை
16. பழையகோட்டை
17. புல்லிமான்கோம்பை
18. ராஜதானி
19. ராமகிருஷ்ணாபுரம்
20. சண்முகசுந்தரபுரம்
21. தேக்கம்பட்டி
22. தெப்பம்பட்டி
23. திம்மரசநாயக்கனூர் துண்டு-1
24. திம்மரசநாயக்கனூர் துண்டு-2
25. வள்ளல்நதி

மக்கள்தொகை பரம்பல்

2011-ஆம் ஆண்டு மக்கள் தொகை கணக்கெடுப்பின்படி இவ்வட்டம் 58,902 வீடுகளும், 212,700 மக்கள்தொகையும் கொண்டது. மக்கள்தொகையில் 107,856 ஆண்களும்; 104,844 பெண்களும் உள்ளனர். மக்கள்தொகையில் 87.2% கிராமபுறங்களில் வாழ்கின்றனர். இவ்வட்டத்தின் எழுத்தறிவு 71.47% மற்றும் பாலின விகிதம் 1,000 ஆண்களுக்கு, 972 பெண்கள் வீதம் உள்ளனர். 6 வயதிற்குட்பட்ட குழந்தைகளின் எண்ணிக்கை 21939 ஆகவுள்ளது. குழந்தைகள் பாலின விகிதம், 1000 ஆண் குழந்தைகளுக்கு, 927 பெண் குழந்தைகள் வீதம் உள்ளனர். பட்டியல் சாதியினரும் பட்டியல் பழங்குடியினரும் முறையே 50,267 மற்றும் 366 ஆகவுள்ளனர். மக்கள்தொகையில் இந்துக்கள் 97.9%, இசுலாமியர்கள் 0.38%, கிறித்தவர்கள் 1.45% & பிறர் 0.26% ஆகவுள்ளனர். ^[2]