எரெடிவிசி
From Wikipedia, the free encyclopedia
Remove ads
எரெடிவிசி (Eredivisie, ) என்பது நெதர்லாந்து நாட்டின் உச்சகட்ட கால்பந்துக் கூட்டிணைவுப் போட்டித்தொடராகும். இதனை டச்சு அரச கால்பந்துச் சங்கம் நடத்துகின்றது. தொழில்முறை கால்பந்து விளையாட்டு தொடங்கப்பட்ட இரண்டு ஆண்டுகளுக்குப் பிறகு 1956-ஆம் ஆண்டில் எரெடிவிசி ஆரம்பிக்கப்பட்டது. 2011-12 பருவம் முடிந்த பிறகு ஐரோப்பாவில் ஒன்பதாவது சிறந்த கால்பந்துக் கூட்டிணைவாக யூஈஎஃப்ஏ குணகம் கொண்டு தரவரிசை கொடுக்கப்பட்டது.
எரெடிவிசி கூட்டிணைவில் மொத்தம் 18 அணிகள் பங்கேற்கும். நெதர்லாந்தின் இரண்டாம்-நிலை கால்பந்துக் கூட்டிணைவான ஈர்ஸ்டே டிவிசி-யுடன் அணிகளை தகுதிகுறைப்பு-தகுதியேற்றம் முறைமையில் இது செயல்படுகிறது. பருவத்தின் முடிவில் அதிக புள்ளிகள் பெற்றிருக்கும் அணி டச்சு தேசிய வாகைத்தொடர் பட்டத்தை வெல்லும். ஆம்ஸ்டர்டம் நகரை அமைவிடமாகக் கொண்ட அயாக்சு அணியே இதுவரை அதிகமுறை வாகையர் பட்டம் வென்றிருக்கிறது; 24 எரெடிவிசி பட்டங்கள் (மொத்தமாக 32 தேசிய வாகையர் பட்டங்கள்). பிஎஸ்வி எய்ந்தோவன் 18 (21) பட்டங்களுடன் அடுத்த இடத்தில் உள்ளது. மூன்றாம் இடத்தில் ஃபெயினூர்டு 9 (14) பட்டங்களுடன் இருக்கிறது.
Remove ads
வெளியிணைப்புகள்
Wikiwand - on
Seamless Wikipedia browsing. On steroids.
Remove ads